Jańa jyl qarsańynda 2,5 myńnan astam zańsyz kesilgen shyrsha tárkilendi

ASTANA. QazAqparat – Іshki ister mınıstrligi mereke qarsańynda shyrshany zańsyz kesýge jol bermeý úshin reıdti kúsheıtti, dep habarlaıdy QazAqparat tilshisi.

«15 jeltoqsannan bastap respýblıka aýmaǵynda qylqan japyraqty aǵashtardy zańsyz kesý, daıyndaý jáne ótkizý oryndaryn anyqtaý jáne jolyn kesý boıynsha orman qorǵaý organdarymen birge reıd júrgizilip jatyr. Avtojoldarda, bazarlarda jáne basqa jerlerde baqylaý úshin 500-ge jýyq mobıldi top quryldy, olar 10 kúnde myńnan astam reıd júrgizdi», - dedi Іshki ister mınıstrliginiń ókili Shuǵyla Turlybek aptalyq brıfıngide.

Shyrshalar men qaraǵaılardyń satylýyn baqylaý, olardy belgilenbegen jerlerde jáne tıisti qujattarsyz satý boıynsha tekserýler júrgiziledi.

«Qazirgi ýaqytta 235 zań buzýshylyq anyqtaldy, onyń ishinde 3 zańsyz kesý, 45 qylqan japyraqty jas kóshetti zańsyz satý faktileri bar. 11 qylmystyq quqyq buzýshylyq tirkeldi. 240 quqyq buzýshy ákimshilik jaýapkershilikke tartyldy, onyń kópshiligi shyrsha men qaraǵaıdy zańsyz kesip tasymaldaǵan jáne satqan. Quqyq buzýshylardan 2,5 myńnan astam qylqan japyraqty aǵash tárkilendi. Aldyn alý sharasy Jańa jyl merekesine deıin jalǵasady», - dedi Sh. Turlybek.

Foto: Dmıtrıı AHMADÝLLIN/ dv.kp.ru