Jańa Joldaý ekonomıkaǵa baǵyttalsa da, mańyzdy áleýmettik bastamalar shet qalǵan joq – Qarın

ASTANA. QazAqparat – Memlekettik keńesshi Erlan Qarın bıylǵy Joldaýdyń máni men mazmuny Prezıdent reformalarynyń qısynyna úndesetinin aıtty, dep habarlaıdy QazAqparat tilshisi.

Bıylǵy Joldaýdyń máni men mazmuny Prezıdent reformalarynyń logıkasyna tolyqtaı sáıkes keledi. Qasym-Jomart Toqaev ekonomıka, saıasat jáne ıdeologııa salalaryn bir-birinen bólmeı reformalaýǵa negizdelgen strategııalyq baǵytty júıeli túrde iske asyryp keledi.Joldaýda Qazaqstan ekonomıkasyn damytýdyń aldaǵy strategııasy belgilendi. Budan bólek Prezıdent bastamalary ekonomıkanyń birqatar salasynyń jańa erejelerin usynyp otyr. Sonyń arqasynda atqarýshy bılik júıesi, ortalyq pen óńirler arasyndaǵy qarym-qatynas ózgeredi, salyqtyq yntalandyrýdyń, normatıvtik-quqyqtyq retteýdiń, ınvestorlarmen ózara is-qımyldyń jańa sharalary enedi

, - dep jazdy E.Qarın Telegram-arnasynda.

Memlekettik keńesshiniń paıymynsha, jańa Joldaý ekonomıkalyq máselelerdi sheshýge baǵyttalsa da, onda áleýmettik sıpattaǵy mańyzdy bastamalar bar.

Atap aıtqanda, jalaqyny kóterý, jumyspen qamtý, balalar qaýipsizdigi, bilim alýdaǵy teńdik jáne taǵy basqasy. Memleket basshysynyń qoǵamda qyzý talqylanyp jatqan AES salýǵa qatysty máseleni respýblıkalyq referendýmǵa shyǵarý týraly usynysyna erekshe nazar aýdarý qajet. Bul Prezıdenttiń «Halyq únine qulaq asatyn memleket» jáne «Ádiletti Qazaqstan» prıntsıpterin berik ustanyp otyrǵanyn kórsetedi.Jalpy, búgingi Joldaýda kóptegen baǵyttardy qamtıtyn jáne áleýmettik-ekonomıkalyq reformalardyń biryńǵaı júıesin quraıtyn júzden astam túrli ıdeıalar men usynystar aıtyldy

, - dedi Erlan Qarın.