Jańa jyldyq merekede pırotehnıkalyq quraldardan 63 adam zardap shekti

<p>ASTANA. KAZINFORM &ndash; Jańa jyldyq merekede pırotehnıkalyq quraldardy paıdalanýdan 63 adam, onyń ishinde 20 bala zardap shekti. Onyń 12-si, onyń ishinde 5 bala statsıonarǵa emdeýge jatqyzyldy jáne 51 patsıent, onyń ishinde 15 bala ambýlatorııalyq em alyp jatyr. Bul týraly oblystardyń jáne respýblıkalyq mańyzy bar qalalar men astananyń densaýlyq saqtaý basqarmalary habarlady.&nbsp;</p>

Óńirler bólinisinde: Almaty qalasynda - 19 adam, Jambyl oblysynda - 11 adam, sondaı-aq Qaraǵandy, Mańǵystaý, Qostanaı oblystarynda jáne Shymkent qalasynda - 6 adam, Aqtóbe oblysynda-2 adam, Aqmola, Qyzylorda, Atyraý jáne Shyǵys Qazaqstan, Batys Qazaqstan, Almaty oblystarynda jáne Abaı oblysynda bir-bir adamnan zardap shekti.

Olardyń basym bóligine kóz jaraqattary, kózdiń móldirqabyǵynyń kúıikteri, qoldyń kúıikteri men jaraqattary dıagnozy qoıylǵan. Bir patsıent ishperde qabyrǵasynyń jaraqatyn aldy, jaǵdaıy ortasha aýyrlyq dárejesinde, turaqty, statsıonarda em qabyldap jatyr.

Barlyq zardap shegýshige tolyq kólemde medıtsınalyq kómek kórsetiledi.