Jańa jyldyq mereke kúnderi qalaı durys tamaqtaný kerek — dáriger keńesi

<p>Almaty qalalyq N36 qalalyq emhananyń dárigeri Aıdana Baıseıitova Jańa jyl merekesinde durys tamaqtanýdyń mańyzdylyǵy jaıynda <a href="Kazinform." target="_blank" rel="noopener">Kazinform </a>tilshisine aıtyp berdi. </p>

Dáriger eń aldymen durys tamaqtanýdyń qaǵıdalaryn este ustaý kerek ekenin atap ótti. ıAǵnı, tátti ári maıly taǵamdardy tutynýdy shektegen durys, jeńil sińetin aqýyz ónimine (qus eti, maıdyń tómen paıyzy bar sút ónimi) basymdyq bergen durys deıdi. 

Aıdana Baıseıitova sondaı-aq balyq, et taǵamdaryn kókónispen, salatty ósimdik maıy nemese lımon shyryny qosylǵan dámdeýishtermen aralastyrýdy usyndy. 

«Kúrdeli kómirsý, maı men aqýyzdy aralastyrmaýǵa tyrysyńyz. Mysaly, etti shóp jáne kókónispen jegen durys, al kartopty keıinge qaldyrǵan jón. Túrli tort, keks jáne pırojnyıdy mázirge qospańyz. Sebebi, olardyń quramynda qant pen maı kóp. Olarda joǵary kalorııa bolady. Oǵan qaraǵanda bıskvıt pen qatparly ónimderdiń zııany az ári merekelik dastarqanǵa kóbirek úılesedi», - deıdi dáriger. 

Atalǵan maman ásirese asqazan-ishek joldarynyń sozylmaly aýrýy bar adamdarǵa densaýlyǵyna erekshe mán bergeni jón ekenin aıtty. Bul rette merekelik dastarqan ót qabyna da áser etýi múmkin. Mysaly, holesterınge baı taǵamdy tutyný ót qabynyń durys jumys istemeýine ákeledi. Tamaqty qorytýǵa qajetti ót turyp qalǵan jaǵdaıda, ót qabynyń túbine krıstaldar jınalyp, tastar paıda bolady. 

«Súıikti mázirińizde zııandy ıngredıentter bolsa, olardy paıdaly taǵamǵa aýystyrǵan durys. Máselen, sary maıdy záıtún maıyna, qantty balǵa nemese tabıǵı tátti dámdeýishpen almastyryńyz. Bul qajetsiz kalorııany azaıtýǵa jáne tamaqtyń taǵamdyq qundylyǵyn arttyrýǵa kómektesedi. Sondaı-aq taǵamnyń daıyndalýyna nazar aýdaryńyz. Durys pisirý ádisin tańdasańyz, merekelik taǵam densaýlyq úshin paıdaly da bolady. Qýyrýǵa qaraǵanda, pisirýge artyqshylyq berińiz. Osylaısha siz maı men kalorııany kóp qospaı-aq kóp qorektik zatty saqtaı alasyz», - deıdi Aıdana Baıseıitova.

Sóz sońynda ol dene belsendiligi men únemi sý iship júrýdiń mańyzdylyǵyn aıtty. 

«Sý deneńizdi ylǵaldandyrýǵa jáne ony jaqsy kúıde ustaýǵa, al dene belsendiligi zattardyń almasýyn arttyrýǵa jáne qosymsha kalorııadan aryltýǵa kómektesedi», - dep atap ótti Almaty qalalyq N36 qalalyq emhananyń dárigeri A. Baıseıitova.