Jańa jylda qandaı kıno kórýge bolady
Jańa jyl qarsańynda Kinopark, Kinoplexx, Chaplin, Cinemax sııaqty qazaqstandyq kınoteatrlar jelisi kórermenderdi alýan túrli fılmdermen qýantqaly otyr. Kıno týyndylardy ár kórermen jasyna jáne áleýmettik mártebesine qaramastan tamashalaı alady.
Jeltoqsan men qańtar aıynyń basynda kınoteatrdan qandaı fılmderdi tamashalaýǵa bolady
Balalar úshin kınoteatrlarda Okeanııanyń qaýipti tolqynyn zertteýge baratyn kósem qyzynyń áńgimesiniń jalǵasy «Moana 2» anımatsııalyq fılmi ótip jatyr. Mýltfılm qazaq jáne orys tilinde usynylǵan. Disney stýdııasynyń kezekti qazaq tilindegi anımatsııalyq fılminiń jabyq kórsetilimine barǵan edik.
Sonymen qatar Disney stýdııasynyń taǵy bir týyndysy «Mýfasa: Arystan patsha» shytyrman oqıǵaly mıýzıkli úsh nusqada usynylǵan. Qazaq jáne orys tilinde jáne túpnusqa daýyspen kórýge bolady.
Taǵy bir belgili franshızanyń jalǵasy – «Sonic 3 kınoda». Qazaqstandyq kınoteatrlarda kórsetilim 26 jeltoqsanda bastaldy. Doktor Robotnıktiń róline teńdesi joq ártis Djım Kerrı qaıta oraldy.
Otbasymen birge baryp tamashalaýǵa tanymal otandyq prodıýserler Nurlan Qoıanbaev «Qazaq Alemi» jáne Gúlnur Mamasarıpovanyń «Kelinjan 3» kartınasy kórermenderge jol tartady.
«Qazaq Alemi» patrıottyq kartınasy eki dos týraly baıandaıdy, olardyń biri unatqan qyzyna úılenýdi armandaıdy. Biraq ol úshin «Bıznes po-kazahskı» franshızasy avtorynyń vıdeografy bolýy tıis.
«Kelinjan» franshızasy boıynsha Kúlimhan apaıdyń otbasynyń kóńildi shytyrman oqıǵalaryn kórermender aldymen telehıkaıa formatynda, al sońǵy jyldary tolyq metrajdy kartınadan tamashalaı alady.
Tiger Films-tiń taǵy bir tanymal qazaqstandyq franshızasy súıikti keıipkerlerin úlken ekranǵa qaıtaryp jatyr. Bul joly Baıtemirdiń otbasyn ekzotıkalyq aralǵa jiberedi. Osylaısha «Bısharashkı Taılandta» fılmi 26 jeltoqsannan bastap barlyq kınoteatrda kórermenderge jol tartty.
Erekshe áser alǵandy unatatyn jandarǵa Tiger Films prodıýserlik kompanııasynyń «Ánel» jáne «Kadet» qorqynyshty seanstaryna barýǵa keńes beremiz.
«Kadet» post-horrordy Tokıoda ótken halyqaralyq kınofestıval joǵary baǵalady. Al 2025 jyldyń 2 qańtaryn bastap Qazaqstan kınoteatrlarynda kórsetiledi. Onyń ortasynda anasy men balasy bolady. Róldi Anna Starchenko, Shárip Serik, Alekseı Shemes, Baýyrjan Qaptaǵaı taǵy basqa tanymal ártister somdaǵan.
Eger kórermenge janǵa batatyn erekshe taqyryptaǵy kartınalar unasa, Baıan Alagózovanyń «Jaýap ber» áleýmettik dramasyn kórýge bolady.
Almaty qalasynyń Kinopark 11 IMAX Esentai kınoteatrynda eksklıýzıvti Theatre HD jobasynyń kórsetilimderi ótedi. Ol jerde kórermen qaýym álemniń úzdik teatr qoıylymdaryn úlken ekranda tamashalaý múmkindigi bar. Sol sııaqty jańa jyl qarsańynda Rýdolf Nýreevtiń horeografııasyndaǵy merekelik «Şelkýnchık» kórsetilimi ótedi.
Osyndaı ártúrli repertýar qazaqstandyq kórermenderdiń kóńilinen shyǵatyny sózsiz jáne mereke qarsańynda qyzyqty fılmderdi kınoteatrǵa baryp kórýge tamasha sebep.
Eske sala keteıik, Almaty jáne Astana qalasynda qazaq tiline dýblıajdalǵan Disney stýdııasynyń «Moana 2» anımatsııalyq fılminiń jabyq kórsetilimi boldy.