Jańa jylda Almaty men Astanaǵa qosymsha poıyzdar júredi

<p>&laquo;Qazaqstan Temir Joly&raquo; AQ jańa jyl merekesinde Almaty men Astanaǵa qosymsha poıyzdardy iske qosady. Bul týraly QTJ basshysy Nurlan Saýranbaev aıtty, dep habarlaıdy <a href="Kazinform" target="_blank" rel="noopener">Kazinform </a>tilshisi.</p>

«Almaty men Astanaǵa bılet qalǵan joq. ıAǵnı, satylym 45 kún buryn ashylady. Sapardy aldyn-ala josparlaǵandar óz bıletterin 40-45 kúnde satyp aldy. Qazir bul jaǵdaıdy kórip, biz Almaty-Astana baǵyty boıynsha qosymsha poıyzdardy qosýdy uıǵardyq», - dep túsindirdi QTJ basshysy Nurlan Saýranbaev Úkimette ótken baspasóz máslıhatynda.

Keshe ótken brıfıngte Kólik mınıstri Marat Qarabaev qys mezgilinde, ásirese jańa jyl qarsańynda bıletter tapshylyǵy týraly aıtqan edi.

«Árıne, jyl saıyn oqý jyly bastalǵanda nemese aıaqtalǵanda, jańa jyl merekesinde belsendilik kúsheıedi. Jyl saıyn ınfraqurylymdyq múmkindikterge qaraı, qosymsha vagondar bólinedi. Biz qosymsha lokomotıv qoıa almaımyz. Qolda bardyń bári — vagon kesheni men lokomotıvter halyqtyń qajettilikterin qanaǵattandyrý úshin tartylatyn bolady. Bizdiń avıakompanııalar da kúsheıtilgen jumys rejımine kóshedi. Bul sózsiz. Keshe ǵana, mysaly, Astana-Petropavl jáne basqa da baǵyttar talqylandy. Jalpy elimiz boıynsha 2068 vagon tartylyp, árbir baǵyt boıynsha BAQ-qa qosymsha habarlap otyramyz», - dep tolyqtyrdy Marat Qarabaev.