Jańa jyl túninde qyzylordalyqtar qandaı shaǵymmen aýrýhanaǵa júgindi

<p>Qyzylordadaǵy oblystyq kópbeıindi aýrýhananyń dárigerleri Jańa jyl merekesinde táýlik boıy qyzmet atqardy. Bul kúni qabyldaý bólimine ártúrli syrqatpen 148 naýqas jetkizilgen, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Oblystyq kópbeıindi aýrýhanada jedel ota jasaý, jedel reanımatsııalyq kómek kórsetý, kishi ota jasaý, irińdi jaraqatty tańý, ekpe jasalatyn bólmeler jáne kompıýterli tomografııa bar.

Munda túsken naýqastar aldymen atalǵan tekserýden tolyq ótkiziledi.

Oblystyq kópbeıindi aýrýhananyń baspasóz mamany Gúlbaný Maqajannyń aıtýynsha, dertin anyqtaý úshin barlyq taldama alynady.

«Naýqastar jyljymaly medıtsınalyq quraldarmen zertteledi. Keıbirine jyljymaly elektrokardıogramma, ÝDZ, rentgen apparaty paıdalanyldy. Dárigerlerdiń ýltradybystyq tekserýinen soń naýqastardyń 36-sy aýrýhanaǵa jatqyzyldy. Al 112 azamat dáriger keńesinen soń úıine qaıtaryldy. Jańa jyl merekesinde jaraqat beketine túskender de bar. Naýqastardyń biri júıkesin zaqymdasa, endi biriniń 2-3 saýsaǵynyń ıilgish sińiri zaqymdanǵan», — dedi aýrýhana mamandary.

Mereke kúni qabyldaý bóliminde kezekshilik atqarǵan hırýrgııa bóliminiń meńgerýshisi Áset Jalmaǵanbetov 3 naýqasqa jedel ota jasady.

Bir ǵana qabyldaý bóliminde 5 dáriger kardıolog, hırýrg, terapevt, nevropatolog, gınekolog mamandar naýqastarǵa em kórsetti.

Sondaı-aq, naýqastarǵa bilikti 11 meıirger, 5 kishi qyzmetker jedel ári sapaly mamandandyrylǵan medıtsınalyq kómek jasady.

Eske salsaq, bıyl Qyzylorda oblysynda búırek aýystyrý otasy jasaldy.