Bir kúnde 100-ge jýyq órt boldy, 518 adam qutqaryldy

<p>Ótken táýlikte 518 adam qutqarylyp, evakýatsııalandy, dep habarlaıdy <a href="https://kaz.inform.kz/" target="_blank" rel="noopener">Kazinform</a> Tótenshe jaǵdaılar mınıstrligine silteme jasap.&nbsp;</p>

Jańa jyl túni TJM qutqarýshylary kúsheıtilgen rejımde qyzmet atqardy.

Foto: TJM baspasóz qyzmeti

Ótken táýlikte, ıaǵnı 31 jeltoqsanda mamandar 163 márte qutqarýǵa attandy, onyń 94 — órt, 68 — izdestirý, avarııalyq-qutqarý jáne basqa da jumystar.

Bul rette 518 adam, onyń ishinde 65 bala qutqarylyp, evakýatsııalandy.

TJM azamattardy órt qaýipsizdik sharalaryn saqtap, daýyl týraly eskertý, aýa raıynyń ózgerýi, jabylǵan joldar týraly habarlamalardy baqylap, alys saparǵa shyqpaýǵa shaqyrady.

Foto: TJM baspasóz qyzmeti

«Aýyldyq jerde turatyn turǵyndarǵa aýa raıy nasharlaǵan jaǵdaıda alysqa jaıaý shyqpaýyn ótinemiz» deıdi mamandar.