Jańa jyl merekesinde jol apatynan 15 qazaqstandyq qaıtys boldy

<p>QR Densaýlyq saqtaý mınıstrligi 2023 jyldyń 30 jeltoqsany men 2024 jyldyń 2 qańtary aralyǵynda jol-kólik oqıǵasynan qansha adam zardap shekkenin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Mınıstrlik habarlaǵandaı, 30 jeltoqsan - 2 qańtar kúnderi 21 jol-kólik oqıǵasy tirkelgen jáne 125 adam zardap shekken. Sonymen birge, 10 eresek jáne 5 bala qaza tapqan.

Ásirese elimizdiń 6 óńirinde jol apaty jıi baıqalǵan. Qostanaı oblysynyń dárigerleri trassadaǵy apat boıynsha 6 shaqyrýǵa baryp, 4 adamdy statsonarǵa jetkizgen jáne 2 adamdy oqıǵa ornynda qaraǵan. Qaraǵandy oblysynda – 4 shaqyrý tirkelip, 5 adam zardap shekken; Aqmola oblysynda – trassadaǵy apat boıynsha 3 shaqyrý túsken jáne 3 adam zardap shekken.

Soltústik Qazaqstan oblysynda – 3 jol apaty tirkelip, 7 adam zardap shekken, 1 bala qaza tapqan. Shyǵys Qazaqstan oblysynda – 1 shaqyrtý túsken, 8 adam zardap shekken, 4 bala qaıtys bolǵan. Pavlodar oblysynda – 1 shaqyrtý, zardap shekken 3 adam tirkelgen.