Jańa jyl kúni joǵalyp ketken shopan 3 kúnnen soń tabyldy

<p>TALDYQORǴAN. KAZINFORM - Jetisý oblystyq polıtsııa departemanti Aqsý aýdanynda qoı baǵýǵa shyǵyp, joǵalyp ketken malshynyń tabylǵanyn habarlady.&nbsp;</p>

Quzyrly organ ókilderi taratqan málimetke súıensek, 59 jastaǵy shopan 31 jeltoqsanda Jetisý oblysyna qarasty Mataı aýyldyq okrýginen qoı jaıýǵa shyqqan. Mereke kúni keshke deıin malshydan habar bolmaǵan soń, qojalyq ıeleri ózderi izdestirýge kirisken. 2 kún boıy eshqandaı nátıje bolmaı, 102 nómirine qońyraý shalyp, polıtsııa qyzmetkerlerinen kómek suraǵan. 

Qutqarýshylar men polıtsııa jáne jergilikti turǵyndar birigip, shopandy 3 qańtar kúni taýyp alǵan. 

- Jańa jyldyq mereke men qolaısyz aýa raıy izdestirý jumystaryna kedergi bolmady.  Polıtsııa qyzmetkerleri men qutqarýshylar, aýyl turǵyndary birigip, úılesimdi áreketterdiń arqasynda shopan men onyń 150 bas qoıy aman- esen tabyldy, - delingen habarlamada.

Eske salaıyq osyǵan deıin Jetisý oblysynda 5 kóliktiń qar qursaýynda qalyp qoıǵanyn jazǵanbyz.