Jańa jyl qarsańynda transplantolog dárigerler 9 adamdy aman alyp qaldy

<p>Jańa jyl qarsańynda dárigerler turǵyndarǵa shuǵyl medıtsınalyq kómek kórsetti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;&nbsp;</a></p>

Densaýlyq saqtaý mınıstrligi baspasóz qyzmetiniń málimetinshe, aýa raıynyń qolaısyzdyǵyna qaramastan sanıtarııalyq avıatsııa kúshteriniń kómegimen jáne birneshe qyzmettiń úılesimdi jumysynyń arqasynda birden 9 patsıentke aǵza transplantattaý operatsııasy jasaldy.

Densaýlyq saqtaý mınıstrliginiń, Ulttyq shuǵyl medıtsınany úılestirý ortalyǵynyń, Ulttyq ǵylymı onkologııa ortalyǵynyń, Ulttyq ǵylymı kardıohırýrgııalyq ortalyqtyń, Respýblıkalyq transplantattaýdy úılestirý ortalyǵynyń jáne joǵary tehnologııalyq medıtsınalyq qyzmetiń úılesimdi is-qımyly Jańa jyl qarsańynda birqatar operatsııany sátti júrgizýge múmkindik berdi. Almaty qalasynyń Syzǵanov atyndaǵy Ulttyq hırýrgııa ǵylymı ortalyǵynda baýyr transplantattaý, Astana qalasynyń Ulttyq ǵylymı kardıohırýrgııalyq ortalyǵynda júrek jáne ókpe almastyrý, al Astana qalasynyń Ana men bala ulttyq ǵylymı ortalyǵynda-eki balaǵa búırek aýystyrý otasy júrgizildi.

Barlyq operatsııa sátti ótti, patsıentterdiń densaýlyǵy qanaǵattanarlyq. Dárigerlerdiń aıtýynsha, eki donor Óskemen jáne Pavlodar qalalarynan kelgen. Olardyń kómegimen aǵza transplantattaýdy uzaq ýaqyt kútken 9 patsıent qutqaryldy. 

Foto: gov.kz

«Aǵzalardy transplanttaý jónindegi is-sharalarǵa qatysqan Pavlodar jáne Óskemen qalalarynyń densaýlyq saqtaý uıymdarynyń barlyq medıtsına qyzmetkerine, JPQ qyzmetterine, sondaı-aq «QTJ» UK» AQ jáne Pavlodar qalasy áýejaıynyń basshylaryna kúrdeli meteojaǵdaılarda transplantolog dárigerler brıgadalarynyń júrip-turýyna kórsetken qoldaýy úshin alǵys bildiremiz», - delingen habarlamada.

Aǵzany qysqa merzimde transplantattaý boıynsha vırtýozdyq jumysty transplantolog hırýrgtar oryndady.