Jańa jyl qarsańynda polıtsııa qyzmetkerleri kúsheıtilgen qyzmet rejımine kóshti

<p>ASTANA. KAZINFORM &mdash; Jańa jyl merekesi qarsańynda polıtsııa qyzmetkerleri men Ulttyq ulannyń áskerı qyzmetshileri kúsheıtilgen qyzmet rejımine kóshti. Bul týraly <a href="https://polisia.kz/zang-men-tartip-politsiya-zhanga-zhyl-merekesi-qarsangynda-kushejtilgen-qyzmet-rezhimine-koshti/" target="_blank" rel="noopener">Polisia.kz</a> habarlady.&nbsp;</p>

Іshki ister mınıstri qyzmetkerlerge qoǵamdyq tártipti qorǵaý jáne azamattardyń qaýipsizdigin qamtamasyz etý boıynsha naqty tapsyrmalar berdi.

– Polıtsııa qyzmetkerleri men Ulttyq ulannyń áskerı qyzmetshileri ózderine júktelgen mindetterdi abyroımen atqaryp keledi. Osy mereke kúnderi bizdiń azamattar otbasymen jáne jaqyndarymen demalady. Sondyqtan sizder qoǵamdyq qaýipsizdikti joǵary deńgeıde qamtamasyz etip, «zań men tártip» qaǵıdatyn júzege asyrýǵa tıissizder, - dep atap ótti mınıstr Erjan Sadenov.

Mınıstr óńirlerde garnızondyq jıyndar ótkizý týraly tapsyrma berdi.

– Qoǵamdyq tártipti qamtamasyz etýdi, merekelik sharalar ótetin oryndarǵa narıadtardyń jaqyn ornalasýyn, ortalyq alańdardy, adam kóp jınalatyn jerlerdi, otshashýǵa arnalǵan oryndardy baqylaýda ustaýdy tapsyramyn. Jedel basqarý ortalyǵy táýlik boıy vızýaldy baqylaýdy qamtamasyz etip, kez kelgen oqıǵaǵa jedel den qoıýy qajet, - dedi Іshki ister mınıstri.

Aıta keteıik, jańa jyl túni 32 myńnan astam polıtsııa qyzmetkeri men Ulttyq ulannyń áskerı qyzmetshileri kezekshilikke shyǵady. Olardyń 12 myńy merekelik sharalar ótetin oryndarǵa jaqyn jerde bolady.