Jańa jyl: el óńirlerinde Aıaz atanyń quttyqtaýy qansha turady
Astanada atalǵan qyzmettiń quny tańdalǵan kún men ýaqytqa baılanysty. Aıaz ata men Aqshaqardyń qyzmet kórsetý uzaqtyǵy ádette 15-20 mınýt, keıde 30 mınýtqa deıin barady. Baǵdarlama quny 15 mınýtqa 18-20 myń teńgeden, al mereke jaqyndaǵanda 45-50 myń teńgege jetýi múmkin. Quttyqtaý qazaq jáne orys tilderinde usynylady. Baǵdarlamaǵa jańa jylmen quttyqtaý, balalarmen oınaý, fleshmob, dóńgelek bı, shyrshany jaǵý, balalardyń óleńderin tyńdaý, syılyqtar tapsyrý jáne estelik fotosessııa kiredi. Elordalyq event-agenttikterdiń birinde pazldar, týnnelder sııaqty keıbir oıyn derektemeleri baǵdarlamaǵa qosymsha aqyǵa qosylýy múmkin ekeni aıtyldy.
Almatyda kóptegen event-agenttikterde Aıaz ata men Aqshaqardan úıde 15 mınýttyq quttyqtaýdyń quny 20 myń teńgeden bastalady. 30 mınýttyq baǵdarlama úshin baǵasy-35 myń teńge. Jańa jyl qarsańynda, 31 jeltoqsanda, ásirese saǵat 22:00-den keıin baǵalar 40-55 myń teńgege deıin kóteriledi. Alaıda, eger siz bir Aıaz atany Aqshaqarsyz shaqyrsańyz, qyzmet quny 35 myń teńge bolady. Bul somaǵa keıipkerlerdiń shyǵýy, bir oıyn ótkizý, óleńderdi tyńdaý, fotosessııa, syılyqtar tapsyrý jáne mýzykalyq súıemeldeý kiredi. Baǵdarlamany ártaraptandyrý úshin basqa anımator keıipkerlerin qosymsha shaqyrý múmkindigi bar. Agenttikter anımatsııalyq baǵdarlamany birneshe kún buryn brondaýdy suraıdy, óıtkeni jańa jyl qarsańynda bos ýaqyt bolmaýy múmkin.
«Brondy neǵurlym erterek jasasańyz, soǵurlym jaqsy. Óıtkeni, mereke kúnderi anımatorlardy tabý qıyn. Atalǵan qyzmetti usynatyn kompanııalar kóp emes. Al olarǵa degen suranys óte joǵary. Sonymen qatar, anımatorlar meıramhanalarǵa, korporatıvterge, karaokege quttyqtaýǵa da barady», - dep atap ótti Agenttik ókilderi.
Shymkentte Aıaz ata men Aqshaqardy shaqyrý áldeqaıda arzan. Qarapaıym quttyqtaýlar, ánder men birlesken fotosýretter úshin anımatorlar tańdalǵan kún men ýaqytqa qaramastan 20 myń teńge tóleý múmkindigi bar. Eger sizdi qosymsha anımator, keıipkerdiń, konkýrstar men oıyndardyń qatysýymen neǵurlym baı baǵdarlama qyzyqtyrsa, onda quny 30 myń teńgege deıin al balalarǵa qosymsha syılyqtar 35 myń teńgege barady. Aıaz ata, Aqshaqar jáne úıretilgen janýarlardyń qatysýymen aýqymdy baǵdarlamalar - 85 myń teńge.
Qazaqstannyń basqa qalalarynda anımatorlardyń qyzmetteri anaǵurlym arzan deýge bolady:
Mysaly, Semeıde habarlandyrýlar boıynsha osyndaı quttyqtaýlar 7 000 teńgeden 35 000 teńge arasynda.
Tarazda 8 000-nan 30 000 teńgege deıin.
Petropavlda baǵdarlamanyń uzaqtyǵyna baılanysty anımatorlar 9 000-nan 25 000 teńgege deıin alady. Jańa jyl kúni baǵa 18-40 myń teńgege deıin kóteriledi.
Atyraýda Aıaz ata men Aqshaqardy úıge shaqyrý 30 myń teńge.
Kókshetaýda orta eseppen 8000-nan 25000 teńgege deıin. Mysaly, 20 myńǵa anımatorlar oıyndarmen, ándermen jáne dóńgelek bılermen jarty saǵattyq baǵdarlama usynady.
Pavlodarda 5 mınýttyq ekspress quttyqtaýlarǵa anımatorlar kem degende 6500-7000 teńge alady. 30 jeltoqsannan bastap baǵalar ósedi. Baǵdarlamaǵa jáne onyń uzaqtyǵyna baılanysty qyzmet quny da ózgeredi, Mysaly, 10-20 mınýt ishinde - 8000-nan 25000 teńgege deıin. Sonymen qatar, baǵa qatysatyn balalardyń sanyna baılanysty, ár bala úshin qosymsha aqy suralady.
Qostanaıda jańa jyl qonaqtarynyń quny 15 myń teńgeden bastalady. Quttyqtaý baǵdarlamalary 15 mınýttan bastalady. 30-31 jeltoqsanda qyzmet quny 15-ten 22 myń teńgege deıin jetedi. Sondaı-aq, baǵdarlamaǵa elfter men basqa da ertegi keıipkerlerin qosý usynylady, bul jalpy qunǵa taǵy 6-7 myń teńge qosady degen sóz.
Buǵan deıin 10 jyldan astam ýaqyttan beri Jańa jyl keshteriniń Aıaz atasy bolyp júrgen aktermen suhbat jarııalanǵan bolatyn.
Al Shyǵys Qazaqstan oblysynda alǵash ret Aıaz atanyń rezıdentsııasy ashyldy.
Jýyrda Býrabaı kýrortynda qysqy maýsym ashylǵan edi. Bıyl kýrorttyq aımaqtaǵy «Qazaqstan Laplandııasy» jańartylyp, esigin aıqara ashyp, qonaqtaryn kezekti márte qarsy alýdy bastady. Kelgen adamdardy Santa Klaýstyń elf-kómekshileri esik aldynan kútip alyp, rezıdentsııa saıahat jasaýǵa shaqyrady.