Jańa Zelandııanyń eks-premeri BUU-nyń Bas hatshylyǵynan úmitti

ASTANA. QazAqparat - BUU Damý baǵdarlamasynyń basshysy Helen Klark uıymnyń Bas hatshysynyń oryntaǵyna úmitkerlerdiń qataranyna qosyldy, dep habarlady «VVS» agenttigi.

Klark - BUU qyzmetkerleri arasynda eń joǵary turǵan áıel. Jeńiske jetken jaǵdaıda, ol tarıhta bas hatshy laýazymyndaǵy alǵashqy áıel atanady.

«Óz kandıdatýramdy usynamyn. Sebebi, óz elimde de, BUU-da da basshylyq laýazymda 30 jylǵa jýyq tájirıbem bar», - dep túsindirdi óz sheshimin Klark Assoshıeıted press-ke bergen subatynda.

BUU-da jumys bastaǵanǵa deıin Klark toǵyz jyl Jańa Zelandııa premer-mınıstri bolǵan.

BUU Bas hatshysynyń qazirgi hatshysy Pan Gı Mýnnyń segizjyldyq merzimi 2016 jylǵy 31 jeltoqsanda aıaqtalady. Jarııalanǵan segiz úmitkerdiń ishinde tórteýi áıel.