Jańa Zelandııada joıqyn jer silkinisi boldy
20:03, 13 Qarasha 2016
ASTANA. QazAqparat - AQSh-tyń Geologııalyq qyzmeti Jańa Zelandııa jaǵalaýynda terbelisi 7,4 jer silkinisin tirkedi. Zilzala oshaǵy Kraıstcherch qalasynan 95 km jerde ornalasqan, dep habarlaıdy Bı-Bı-Sı agenttigi.
Jańa Zelandııanyń osy qalasy 2011 jylǵy joıqyn zilzala saldaryn áli esin jıyp úlgergen joq, sol kezde 185 adam qaza tapqan bolatyn.
Sońǵy jer silkinisinen zardap shekkender týraly aqparat ázirge kelip túsken joq, alaıda kórshi qalalardyń turǵyndary aıtarlyqtaı jer dúmpýin sezingen.
Jańa Zelandııa Tynyqmuhıttyq janartaý ot sheńberi atalatyn aımaqqa jatady. Bul mańda álemdegi jer silkinisiniń 90 paıyzy jáne onyń eń qýattylarynyń 80 paıyzy tirkeledi.