Jańa Zelandııada ushaqqa minerde júk qana emes, jolaýshylardyń da salmaǵyn ólsheıdi

ASTANA. QazAqparat - Maýsym aıynan bastap Air New Zealand halyqaralyq reısteriniń jolaýshylary ushaqqa otyrar aldynda salmaq ólsheıtin bolady, dep habarlaıdy QazAqparat Euronews-ke silteme jasap.

1 maýsym men 2 shilde aralyǵynda Oklend halyqaralyq áýejaıynan ushatyn jolaýshylarǵa salmaq ólsheý usynylady.

Air New Zealand kompanııasy jolaýshylardyń salmaǵyn ólsheý - «ushaq qaýipsizdigin jáne tıimdi jumys isteýin» qamtamasyz etý úshin kerek ekenin málimdedi.

Ushaq aýyrlyq kúshine qarsy turýy úshin ushqyshtardyń júk tıelgen ushaqtyń salmaǵy men tepe-teńdigin bilýi mańyzdy.

Qazirgi ýaqytta avıakompanııalar belgilengen sandar arqyly «boljamdy massany» paıdalanady.

Jolaýshylar salmaǵyn bilý kómirtegi shyǵaryndylaryn azaıtýǵa qalaı kómektesedi?

Saqtyq úshin avıakompanııalar óz ushaǵynyń jalpy salmaǵyn kóterýdi jón kóredi.

Ádette ár jolaýshynyń salmaǵy 88 kg nemese erler úshin 93 kg jáne áıelder úshin 75 kg dep esepteledi.

Eger ushqysh ushaqtyń salmaǵy eseptelgen massadan az ekenin aldyn ala bilse, otyndy da sáıkesinshe az tıeıtin bolady.