Jańa zań úleskerler qarjysyn zańsyz tartýǵa tosqaýyl bolady - Bas prokýratýra

ASTANA. QazAqparat - Jańa zań úleskerler qarjysyn zańsyz tartýǵa tosqaýyl bolady. Bul týraly búgin Bas prokýratýrada ótken alqa májiliste Quqyqtyq qorǵaý departamentiniń basshysy Marat Seksembaev málim etti, dep habarlaıdy QazAqparat.

«10 qazannan bastap «Turǵyn úı qurylysyna úlestik qatysý týraly» jańa Zań qoldanysqa egizildi. Jańa Zań boıynsha qurylys salýshylar úshin lıtsenzııa qajet emes. Endi kompanııalar ákimdiktiń ruqsaty nemese Turǵyn úı qurylysyn kepildendirý qorynyń kepildik berý týraly sharty bar bolsa, úleskerlerdiń aqshasyn tarta alady. Ákimdiktiń ruqsaty jobaǵa ekinshi deńgeıli bank qatysqanda nemese úıdiń qańqasy bar bolǵan jaǵdaıda beriledi. Banktiń jobaǵa qatysýy arqyly qurylysty aıaqtaý úshin ony jetkilikti somaǵa qarjylandyrý qamtamasyz etiledi. Bank nemese Kepildendirý qory bankrottyqqa ushyraý men basqa da jaǵdaılarda úleskerler úshin «qaýipsizdik jastyǵynyń» rólin atqarady», - dedi M. Seksembaev.

Onyń sózine qaraǵanda, ataýlarǵa qatysty aıla-amaldar jasalmaýy úshin, zańda basqa sharttar túrimen úleskerlerdiń aqshasyn tartýǵa tyıym salynǵan. Endi mundaı mámileler zańsyz dep tanylatyn bolady.