Jańa týǵan nárestelerde kezdesetin sarǵyshtaný qaýipti me?

<p>Kúz, qys aılarynda dúnıege kelgen balalarda jıi kezdesetin sarǵyshtanýdyń sebepteri nede? Bul suraqqa Jibek joly telearnasyndaǵy &laquo;Bizdiń dáriger&raquo; baǵdarlamasyna kelgen pedıatr Mereke Tuńǵyshbaeva men balalar ınfetsıonısti Álııa Joldybaeva jaýap berdi.&nbsp;</p>

Nárestelerdiń sarǵyshtanýy – qanda bılırýbın deńgeıiniń kóterilýimen júretin jaǵdaı. Bılırýbın – erıtrotsıtterdiń buzylýynan paıda bolatyn sary deneshik. Qanda bılırýbınniń joǵary deńgeıi kezinde teri jáne shyryshty qabattar sary túske boıalady. Negizinen nárestelerdiń sarǵyshtanýy fızıologııalyq jáne patologııalyq sebepterge baılanysty bolady. Fızıologııalyq sarǵaıý jańa týǵan nárestelerdiń shamamen 70%-da kezdesedi, ol 3-4 kúnnen keıde 10 kúnnen soń ózdiginen ketedi.

Sarǵyshtanýdyń 5 deńgeıi bolady. Sonyń ishinde patologııalyq sarǵaıý aýyr jaǵdaıda ótedi jáne naýqas bala dárigerlerdiń qatań baqylaýynda bolady. Sebebi qandaǵy bılırýbınniń ádetten tys joǵary deńgeıi jańa týǵan náresteniń mıynyń zaqymdalý qaýpin týdyrýy múmkin. Náresteniń sarǵaıýyn tekserý úshin onyń mańdaıyn nemese murnyn aqyryn basyp qaraýǵa bolady. Eger basqan jerde náresteniń terisi sary bolyp kórinse, sizdiń balańyzda jeńil sarǵaıý bolýy múmkin. 

Eskertetin jaıt perzenthanadan shyqqan soń balańyzdyń terisi ásirese alaqany men tabany sarǵaısa birden dáriger shaqyrtyńyz. 

Sarǵyshtanýdyń emi – fototerapııa. Bul kezde náreste arnaıy jasandy jaryq túsiretin lampa astynda jatady. Sırek jaǵdaılarda nárestege tamyrishilik suıyqtyq engizý qajet bolady.