Jańa týǵan aqtóbelikterdi balabaqshaǵa onlaın tirkep jatyr
«Azamattarǵa arnalǵan úkimet» memlekettik korporatsııasynyń Aqtóbe oblystyq fılıaly osy jyldyń 9 aıynda 1 mıllıonnan astam qyzmet kórsetse, onyń teń jartysyna jýyǵy elekrondy túrde júrgizildi. Máselen, kólikti tirkeý, júrgizýshi kýáligin berý de qaǵaz júzinde emes, elektrondy negizde atqarylyp jatyr.
«Elektrondy úkimet sektory arqyly 600-den astam qyzmet kórsetilip, 678 myń keńes berildi. Al mobıldi halyqqa qyzmet kórsetý ortalyǵy 406 shaqyrylymǵa baryp, 14 720 qyzmet kórsetti. Degenmen qyzmettiń bul túrine suranys azaıyp keledi. Sebebi, aýyl halqynyń tsıfrlyq saýattylyǵy artyp, joǵary jyldamdyqty ınternet jelisi tartyldy. Sáıkesinshe, qajetti anyqtamalar men kez kelgen qujatty ózderi alyp otyr. Al múmkindigi shekteýli azamattarǵa qyzmet kórsetý úshin 1418 shaqyrý boldy. Olar barlyǵy 1772 qyzmet túrin aldy», - dedi «Azamattarǵa arnalǵan úkimet» memlekettik korporatsııasy» AQ-nyń Aqtóbe oblysy boıynsha fılıalynyń baspasóz jetekshisi Ásel Mustafına.
Halyqtyń saýattylyǵyn arttyryp, elektrondy qyzmet kórsetý sapasyn kóterý maqsatynda bıyl 500-den astam mekemede arnaıy semınar ótkizildi. ıAǵnı, kompıýterdiń tilin bilip, elektrondy úkimettiń barlyq múmkindigin paıdalaný úshin 20 538 adam oqydy. Aqtóbe oblysy, qala, aýdan apparattarynyń bólimderi túgel qamtylyp, qala boıynsha 80, oblysta 100 maman bilimin jetildirdi. Barlyǵy 10 500-den astam adam mobıldi azamattar bazasyna engizilip, 10 myńǵa jýyq elektrondy qoltańba berildi. Bul jumys aýdan, aýyldarda da iske asyrylyp jatyr. Іri saýda oryndarynda túsindirý jumystary jalǵasady. «Azamattarǵa arnalǵan úkimet» memlekettik korporatsııasy» AQ-nyń Aqtóbe oblysy boıynsha fılıaly osy jyldyń 9 aıynda 100 aktsııa uıymdastyryp, 130 memlekettik qyzmet kórsetý jármeńkesin ótkizdi. 500-den astam mekemege baryp, kóshelerde arnaıy jarnama men beınerolık kórsetildi.
«Bıyl týý týraly kýálikti onlaın túrde berý, balalardy mektepke deıingi mekemege tirkeý jáne bala kútimine baılanysty járdemaqy berý elektrondy túrge aýystyryldy. Barlyǵy 6 myńnan astam bala mobıldi azamat bazasyna tirkelip, 5542 balanyń ata-anasyna quttyqtaý habarlamasy tústi. 3500-den astam bala týý týraly kýáligin, 1735 bala mektepke deıingi uıymǵa tirkelý nómirin, 417 ana bala kútimine baılanysty járdemaqyny onlaın túrde aldy», - dedi «Azamattarǵa arnalǵan úkimet» memlekettik korporatsııasy» AQ-nyń Aqtóbe oblysy boıynsha fılıalynyń baspasóz jetekshisi Ásel Mustafına.
Elbasy Nursultan Nazarbaev halyqqa arnalǵan Joldaýynda Qazaqstanda 2019 jyly memlekettik qyzmetterdiń 80 paıyzyn, 2020 jyly 90 paıyzyn elektrondy formatqa kóshirýdi tapsyrdy.