«Jańa tıtýlǵa joryq bastaldy»: Jánibek Álimhanuly bıylǵy basty josparymen bólisti

<p>Kásipqoı bokstan orta salmaqta WBO jáne IBF tujyrymy boıynsha álem chempıony qazaqstandyq Jánibek Álimhanuly bıylǵy basty josparymen bólisti, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

«2024 jyl bastaldy degenimiz, jańa tıtýlǵa joryq bastaldy degen sóz. 2023 WBO tıtýlyn sátti qorǵap, IBF tıtýlyn jeńip alǵan berekeli jyl boldy. Qudaı qalasa bıyl kem degende taǵy 1 tıtýldy qanjyǵaǵa baılaý kerek. Qazaq abyroıyn asqaqtatyp, kók týdy jelbiretý kerek! Maqsat osy», - dep jazdy J.Álimhanuly óziniń Instagram-paraqshasynda.

Esterińizge sala keteıik, Álimhanuly ótken jyly sońǵy aıqasyn 14 qazanda AQSh-ta nemis boksshysy Vınchentso Gýalterıge qarsy ótkizip, altynshy raýndta tehnıkalyq nokaýtpen jeńiske jetken bolatyn. Nátıjesinde WBO chempıondyq belbeýin sátti qorǵap, IBF belbeýin qanjyǵasyna baılady.

Al qazaqstandyq kásipqoı boksshy 2024 jyly kásipqoı bokstaǵy jetistigin ary qaraı jalǵap, óz salmaǵynda úshinshi tıtýldyq beldikti jeńip alýdy kózdep otyr.