Jańa temir jol jelisimen «Jezqazǵan-Sekseýil-Qyzylorda» poıyzy alǵashqy saparǵa shyǵady

ASTANA. QazAqparat - 15 naýryzynda kópshiliktiń suranysyn qanaǵattandyrý jáne jolaýshylarǵa degen qyzmet sapasyn maqsatynda «Qazaqstan temir joly» AQ «Jezqazǵan-Sekseýil-Qyzylorda» baǵytynda jańa poıyz shyǵarmaq.

Poıyz tuńǵysh ret jańa temir jol jelisimen: Jezqazǵan -Qarsaqpaı-Baıqońyr-Kóktal-Koskól-Qarashegen-Abaı-Sekseýil ári qaraı Aral-Qazaly arqyly Qyzylordaǵa deıin qatynaıtyn bolady, dep habarlaıdy «Jolaýshylar tasymaly» AQ baspasóz qyzmeti.

40-tan astam eldi mekenderdi qamtıtyn bul baǵyt «Nurly jol» baǵdarlamasy aıasyndaǵy áleýmettik mańyzdy joba bolyp tabylady.

«Buǵan deıin bizdiń turǵyndar elimizdiń ońtústigine barý úshin Qaraǵandy arqyly qatynap, kansha ýaqyty men qarjysyn shyǵyndaıtyn. Endi mine, tóte jol salynyp halyq jol azabyn tarpaıtyn boldy. QTJ kompanııasyna rızashylyǵymyzdy bildire otyryp, jańa jol aımaqqa jańa serpin beredi dep senemiz»- deıdi Jezqazǵan qalasynyń ákimi Batyrlan Ahmetov.

Poıyz Jezqazǵannan 19 saǵ. 12 mınýtta shyǵyp, Qyzylordaǵa kelesi kúni 19 saǵ. 53 mın. keledi.