Jańa tehnologııalar arqyly elimizdegi munaı alýdyń ónimdiligin 15-20 paıyzǵa arttyrýǵa bolady - V. Shkolnık

ASTANA. QazAqparat - Jańa tehnologııalar arqyly elimizdegi munaı alýdyń ónimdiligin 15-20 paıyzǵa arttyrýǵa bolady. Búgin «Nur Otan» partııasynyń Májilistegi fraktsııasy janyndaǵy Ekonomıkalyq saıasat keńesiniń otyrysynda Energetıka mınıstri Vladımır Shkolnık osylaı málim etti. Eske salaıyq, keńeste «Nur Otan» partııasy Saılaýaldy tuǵyrnamasynyń «Innovatsııalyq ekonomıka» baǵyty boıynsha máseleler talqylanǵan edi.

«Qazaqstannyń ıgerilip jatqan ken oryndarynyń 70 paıyz munaıy jer qoınaýynda qalyp jatyr. Buǵan qatysty obektıvti sebepter barshylyq: qazaqstandyq ónimderdi alý qıynyraq, kúkirttiligi de basym. Sonymen qatar, dál osyndaı Norvegııa jaǵdaıynda kórsetkish 50 paıyzdan aspaıdy. Sarapshylardyń esebinshe, jańa tehnologııalar engizý Qazaqstandaǵy munaı alýdyń kólemin eń keminde 15-20 paıyzǵa arttyratyn edi. Sosyn bul jerde atalmysh kórsetkishke «energetıkalyq kannıbalızmmen» aýyrmaı-aq qol jetkizetin edik», - deıdi V. Shkolnık.

Mınıstrdiń túsindirýinshe, «energetıkalyq kannıbalızm» termıni negizinen «energııa alý úshin energııanyń ózin kóbirek jumsaý» degendi bildiredi. Sonymen qatar, Vladımır Shkolnık qazaqstandyq jer qoınaýyn paıdalanýshylar tarapynan tıimdi tehnologııalar da paıdalanyla bastaǵanyn, alaıda bundaı tehnologııalar tizbesi keńeıtýdi qajet etetinin atap ótti.