Jańa Tashkent salý jumystary bastaldy

ASTANA. UZA-QazAqparat – Ózbekstan Respýblıkasy Prezıdentiniń «Jańa Tashkent qalasyn qurý sharalary týraly» jarlyǵyna sáıkes, Tashkent oblysy ıÝkorı Chırchık jáne Ýrta Chırchık aýdandarynan qashyq 19 720,9 gektar jerde jańa qala salynady, dep habarlaıdy QazAqparat UZA agenttigine silteme jasap.

Jobany jedel ári sapaly daıyndaý úshin Sıngapýr, Ulybrıtanııa jáne Gollandııa kompanııalary tartylyp, jumys bastalyp ketti.

Jarlyqta aıtylǵandaı, 2023 jyldyń 1 qyrkúıegine deıin «Jańa Tashkent qalasyn qurý boıynsha dırektsııa» jasaqtalady.

Dırektsııa aldyńǵy qatarly sheteldik jáne otandyq jobalyq uıymdardy qatystyra otyryp, Jańa Tashkent aýmaǵyn damytý boıynsha master-jospar, salalyq josparlar jáne maqsatty baǵdarlamalardy daıyndaıdy.

Jańa Tashkentti qurý jobasyn júzege asyrý barysynda 2027 jyldyń 1 qańtaryna deıin dırektsııa, ınvestorlar, bas joba men bas merdiger uıymdar Ózbekstan Respýblıkasynda shyǵarylmaıtyn qurylys tehnıkasy, quraldar, jasaqtaýshy jáne qosymsha bólikterdi shetelden ákelýde keden salyǵyn tóleýden bosatylady.