Jańa surypty «Dimash Qudaibergen» kósheti Nur-Sultannyń Botanıka baǵyna syıǵa berildi

RIGA. QazAqparat – Latvııanyń «Babite» rododendrondar parki «Dimash Qudaibergen», «Miuaniz» jáne «Qazaqstan» dep atalatyn rododendrondardyń (álpenshek) jańa surpyn jasap shyǵardy, dep habarlaıdy QazAqparat.

Parktiń «Qazaqstan buryshynda» rododendronnyń atalmysh úsh surpyna Brıtanııa halyqaralyq suryptar regıstriniń sertıfıkattary tabys etildi. Qazaqstan men Latvııa arasyndaǵy dostyqtyń 30 jyldyǵyna arnalǵan sharaǵa Qazaqstan Respýblıkasynyń Latvııadaǵy elshiliginiń ókili Aınur Ahmetova, park basshylyǵy jáne «Dimash Latvia Dears» fan-klýbynyń músheleri qatysty.

«Dimash Qudaibergen», «Miuaniz» jáne «Qazaqstan» erekshe sorttarynyń paıda bolý tarıhy týraly aýdıonusqaýlyq pen gıd-planshet te jasalǵan.

dimashnews.com saıtynda málim etilgendeı, rododendronnyń «Dimash Qudaibergen» surpy jyldamdatylǵan ádispen jasaldy. Ósirilgen 8 kóshettiń ekeýi Latvııada qalady, úsheýi Dımash Qudaıbergenge syıǵa tartylsa, qalǵan úsheýi Nur-Sultan qalasyndaǵy Botanıka baǵyna jiberiledi.

Kezdesý sońy beıresmı formatqa aýysty – eki eldiń ulttyq taǵamdarynan dastarhan jaıylyp, D.Qudaıbergenniń ánderi shyrqaldy.

Rododendron – bul óte ádemi dekoratıvti butaly aǵash. Onyń bir myńǵa jýyq túri bar. Qysy-jazy jasyl keledi jáne deni jyly jerdi unatady.