Jańa sport keshenderinde erekshe qajettiligi bar jandarǵa búkil jaǵdaı jasalýǵa tıis – Álıhan Smaıylov
350 tósek-orynǵa arnalǵan Juqpaly aýrýlar ulttyq ǵylymı ortalyǵynyń qurylysyn 2023 jyldyń sońynda aıaqtaý josparlanyp otyr.
Statsıonardan basqa, onda ǵylymı-zertteý jáne oqý ortalyqtary, zerthanalar, medıtsınalyq ýnıversıtetterdiń kafedralary jáne t. b. ornalasatyn bolady.
Jańa ortalyqta juqpaly aýrýlar, pýlmonologııa jáne ftızıatrııa salasynda sapaly medıtsınalyq kómek kórsetiledi, zertteýler júrgizilip, mamandar oqytylady, ozyq medıtsınalyq tehnologııalar paıdalanylyp, dárilik preparattar synalady.
Budan basqa jańa nysan bazasynda respýblıkadaǵy epıdemıologııalyq ahýaldy baqylaý úshin ahýaldyq ortalyq ashý josparlanýda.
Premer-Mınıstr DDU málimetteri boıynsha jyl saıyn 2 mlrd adam juqpaly aýrýlarmen aýyryp, 50 mln-nan astam adam qaıtys bolatynyn aıtty.
«Ortalyqtyń ashylýy týberkýlezden ǵana emes, jalpy basqa da juqpaly aýrýlardan, onyń ishinde asa qaýipti aýrýlardan bolatyn syrqattanýshylyq pen ólim-jitimdi azaıtýǵa múmkindik beredi. Almaty ákimdigi ortalyqty ashý máselesin erekshe baqylaýda ustaýy qajet», — dedi Álıhan Smaıylov.
Almaty ákiminiń orynbasary Ásem Núsipova densaýlyq saqtaý salasyn damytý aıasynda 2025 jylǵa deıin polıortalyqty qaǵıdaty boıynsha 16 emhana salý josparlanyp otyrǵanyn, onda respýblıkada alǵash ret MSAK biryńǵaı standarty engiziletinin baıandady.
Bul 300 myńnan astam adam úshin alǵashqy medıtsınalyq qyzmetterdi qoljetimdi etedi.
Budan basqa, 2030 jylǵa deıin qoldanystaǵy 25 kóp salaly jáne mamandandyrylǵan statsıonardyń ınfraqurylymy kezeń-kezeńmen jańǵyrtylady.
Sondaı-aq 5 kópsalaly statsıonar (neırohırýrgııa, ınsýlt ortalyǵy, endoprotezdeý, travmatologııa jáne ortopedııa) bazasynda arnaıy ortalyqtar qurý jáne basqa da birqatar qadamdy iske asyrý josparlanýda.
Sodan keıin Premer-Mınıstr salynyp jatqan Oqýshylardyń ınnovatsııalyq shyǵarmashylyq ortalyǵyna bardy, onda 18 jasqa deıingi balalar men jasóspirimder qosymsha bilim ala alady.
Mundaǵy úıirmelerde balalar ǵylym men tehnıka, mýzyka, shyǵarmashylyq, til jáne sport sııaqty baǵyttar boıynsha ózin-ózi damyta alady.
Sonymen qatar ortalyqta psıhologııalyq-pedagogıkalyq túzetý kabıneti jumys isteıtin bolady.
Álıhan Smaıylov qala ákimdigine qosymsha bilim salasyndaǵy kóshbasshylyqty odan ári nyǵaıtý úshin tıisti ortalyqtar jelisin arttyrý, oqýshylardy tegin úıirmelermen, sport sektsııalarymen jáne aýla klýbtarymen qamtýdy keńeıtý qajet ekenin atap ótti.
Odan keıin Premer-Mınıstr qaıyrymdylyq bastamasy aıasynda salynǵan «CHAMPION» jańa sport keshenine bardy.
Onda basseın, oıyn jáne sport zaldary, bes fıtnes aımaq, kafe jáne t.b. bar. Sport kesheni kúnine 700 adamǵa deıin qyzmet kórsete alady.
Joba ártúrli formattaǵy jattyǵýlar men jarystardy ótkizý, sondaı-aq nıet bildirýshilerdiń barlyǵyna, ásirese áleýmettik osal toptaǵy balalarǵa sportpen shuǵyldanýǵa múmkindik berý úshin iske asyryldy.
Álıhan Smaıylov mundaı áleýmettik jobalarǵa jeke ınvestıtsııalardy tartý asa mańyzdy ekenin atap ótti, óıtkeni bul Almatyny salaýatty ómir saltyn ustanatyn qala retinde nyǵaıtýǵa úles qosady.
«Almatylyqtar sportpen shuǵyldanýdy jaqsy kóredi. Jyldan jylǵa jalpy dene shynyqtyrýmen aınalysatyn adamdar sany artyp keledi. Bul úrdisti qoldaý kerek. Ákimdik eresekter men erekshe qajettilikteri bar balalarǵa da nazar aýdarýy kerek. Olar úshin salynyp jatqan dene shynyqtyrý-saýyqtyrý keshenderinde sportpen shuǵyldaný jáne ońaltý úshin barlyq qajetti jaǵdaı kózdelýge tıis», — dedi Premer-Mınıstr.