«Jańa Serpin» baǵdarlamasy: Kókshetaýdaǵy tigin fabrıkasyna 60 adam jumysqa ornalasty
«Asyl Arman» JShS polıetıllen jáne polıpropılen qaptaryn shyǵarýmen aınalysatyn, qarqyndy damyp kele jatqan irgeli kásiporyn. Fabrıka «Jańa Serpin» baǵdarlamasynyń damýyna zor úlesin qosýda.
Kásiporyn basshysy Aıdar Jaqypovtyń aıtýynsha, fabrıkada 700-ge jýyq adam eńbek etedi. 2017 jyldyń qazan aıynan bastap, 60 astam adam ár túrli mamandyqtar boıynsha oqytyldy. Oǵan qosa, Mańǵystaý oblysynyń 40 turǵyny arnaıy mamandyqtar boıynsha bilim alýda.
Aıta keterligi, baǵdarlama qatysýshylary bilim alǵannan keıin maman retinde fabrıkada vahtalyq ádis boıynsha jumys isteıdi. Ózge oblystardan kelip, kásiporynda vahtalyq ádispen jumys isteıtin kóptegen mamandar otbasylaryn Kókshetaýǵa kóshirip alǵysy keledi. Sonyń biri Asylbek Іngerbaev jaqynda otbasyn kóshirip, endi turaqty jumys isteýge kiristi. Bul árıne, kásiporyn úshin de, jumysshy úshin de tıimdi.
Baǵdarlama boıynsha jumysqa qabyldanǵan mamandarǵa 95 myń teńgeden joǵary aılyq tólenedi. Olardyń barlyǵy tamaq jáne baspanamen qamtylady. Bıylǵy jyly «Asyl Arman» JShS óz jumysshylary úshin salyp jatqan jatahananyń qurylysyn aıaqtaýdy josparlap otyr. Oǵan kásiporyn jumysshylarymen birgen «Jańa Serpin» baǵdarlamasyna qatysýshylarda ornalastyrylatyn bolady.
«Jańa Serpin» baǵdarlamasynyń ekonomıkasy qarqyndy damyp jatqan óńirler úshin bereri mol. Baǵdarlama arqyly áleýeti joǵary jumysshylarda biliktilikterin arttyrýǵa bolady. Bizdiń kompanııa osy baǵdarlamanyń odan ári júzege asyrylýy úshin atsalysatyn bolady. Jalpy, biz jumysshylarǵa barlyq jaǵdaı jasalynǵan. Sondyqtan, jumysqa shaqyrylǵan adamdar birtindep eńbekke tartý arqyly tez beıimdelip ketedi», - deıdi Aıdar Jaqypov.