Jańa saılanǵan Túrkimenstan prezıdenti úkimetti taratty

ASTANA. QazAqparat - Túrkimenstan prezıdenti Gýrbangýly Berdimuhamedov Túrkimenstan Konstıtýtsııasyna sáıkes Mınıstrler kabınetiniń músheleri óz ókilettikterin tapsyrý týraly qaýlyǵa qol qoıdy, dep habarlady Túrkimenstannyń Memlekettik aqparattyq agenttigi .

Rýhyet saraıynda qaıta saılanǵan Prezıdentti ulyqtaý rásimi saltanatty túrde ótti. Laýazymyna kirisken memleket basshysy jınalǵan qaýymnyń aldynda sóz sóılep, taıaý jeti jylǵa arnalǵan eldiń ishki jáne syrtqy saıasatynyń negizgi qaǵıdattaryn belgiledi.

Qurmetti qaraýyl áskeriniń saltanatty marshymen rásim aıaqtalǵanda zaldan Túrkimenstan Memlekettik týyn, Prezıdent Shtandartyn, Túrkimenstan Konstıtýtsııasyn, qasıetti Qurandy «Ogýzhan» prezıdenttik saraı keshenine jetkizdi.

Úkimettiń jańa quramyn  bekitkenge deıin onyń múshelerine óz mindetterin oryndaý tapsyryldy.