Jańa salyq jáne bıýdjet kodeksteri ázirlenedi
«Fıskaldyq retteýdi qaıta jańǵyrtý maqsatynda 2023 jyly jańa Salyq kodeksiniń jobasy ázirlenedi. Salyqtyq ákimshilendirýdi ońaılatýǵa jáne tsıfrlandyrýǵa erekshe nazar aýdarylady. Sondaı-aq qazirgi ýaqytta 2030 jylǵa deıingi salyq saıasatynyń tujyrymdamasyn ázirleý boıynsha jumys júrgizilip jatqanyn atap ótkim keledi», - dedi mınıstr.
Onyń atap ótýinshe, Prezıdent qoıǵan jańa mindetter bıýdjettik josparlaýdy bıýrokratııadan aryltýǵa jáne bıýdjetaralyq qatynastardy jetildirýge baılanysty jumystyń qısynda jalǵasy bolady.
«Sondyqtan Memlekettik qarjyny basqarý tujyrymdamasynyń erejelerin jáne basqa da ózekti máselelerdi qamtıtyn jańa Bıýdjet kodeksin ázirleý tıimdi jáne únemdi bıýdjet saıasatyn qamtamasyz etýge jańa serpin beredi. Jańa salyq jáne bıýdjet kodeksterin ázirleý qoǵammen birlesip jáne sarapshylardyń, bıznes-qoǵamdastyq ókilderiniń qatysýymen júrgiziledi», - dedi Álibek Qýantyrov.