Jańa Salyq kodeksi keıbir salyq tóleýshilerdi jeke kásipker retinde tirkelýden bosatady

<p>ASTANA. KAZINFORM &ndash;&nbsp; Ulttyq ekonomıka vıtse-mınıstri Azamat Ámrın &laquo;Atameken&raquo; ulttyq kásipkerler palatasy ótkizgen jańa Salyq kodeksin tanystyrý is-sharasynda qolónershilerge arnap jeke salyq rejımi jumys isteıtinin málim etti.</p>

«Bizde arnaıy salyq rejımderi óte kóp ekenin bilesizder. Bıznespen sóıleskende, «Atameken» ulttyq kásipkerler palatasynyń ókilderimen sóıleskende rejımderdiń óte kóp ekenin, shatasatyndaryn aıtty. Osy kemshilikterdiń bárin joıý úshin rejımderdi barynsha qysqarttyq. Birinshi rejım – óz-ózin jumyspen qamtýshylar rejımi. Oǵan qazir mobıldik qosymsha arqyly, ınternet platformalar arqyly qyzmet kórsetýshiler, 34 qyzmet túri boıynsha patent arqyly jumys isteýshiler kiredi. Bul 34 qyzmet túriniń negizgi bóligi qolónershiler deýge bolady», - dedi ol.

Vıtse-mınıstr atalǵan tulǵalarǵa jeke kásipker retinde tirkelýdiń qajet bolmaıtynyn aıtady.

«Bul jerde astyn syzyp turyp aıtatyn dúnıe, olarǵa endi jeke kásipker retinde esepke turýdyń qajeti bolmaıdy. ıAǵnı, jeke kásipker retinde tirkelýi mindetti emes, tabysy boıynsha jaı ǵana alym tólep otyrady. Demek, tabysynan tólem jasaıtyn jeke tulǵalar bolady degen sóz. Nege tólem dep otyrǵanymdy túsindireıin. Bizde salyq salý nysany onyń tabysy bolady. Tabystyń salyq mólsherlemesi 4 paıyz bolady. Biraq bul jerdegi 4 paıyz salyq túrinde alynbaıdy. Olar óziniń zeınetaqy jınaǵyna, áleýmettik saqtandyrýyna, medıtsınalyq saqtandyrýyna ǵana jarna aýdarady. Boldy, bul jerde salyq joq. Bul jerdegi tabys shegi 1 mln 250 myń teńge bolady. Al tabys kózi patent tizimdegi 34 qyzmet túrimen, ınternet platformalary arqyly mobıldik qosymshalar arqyly qyzmet kórsetýmen baılanysty bolý kerek», - dedi Azamat Ámrın.