Jańa Prezıdent eldegi ekologııalyq máselelerge kóńil bólýi kerek - «Jasyl El» shtaby
«Kópshilikke málim, osydan birneshe kún buryn jastar atynan úndeý joldaǵan bolatynbyz. Búgingi sharamyzdyń basty maqsaty - sol úndeýdi «Jasyl el» jastar eńbek jasaqtarynyń ókilderimen talqylap, keńinen nasıhattaý. Ózderińiz biletindeı, «Jasyl El» - tek qana jastar uıymy emes, ekologııalyq jastar uıymy bolyp sanalady. Sol sebepti, kandıdattardyń óz baǵdarlamalarynda ekologııalyq máselelerdi qozǵasa degen tilegimiz bar. Aldaǵy ýaqytta durys tańdaý jasaý úshin kandıdat baǵdarlamalaryn jiti baqylap, oqyp shyǵamyz degen oıdamyz», - deıdi «Jasyl El» jastar eńbek jasaǵynyń respýblıkalyq shtaby jetekshisiniń orynbasary Azamat Danııar.
Sonymen birge, shtab ókili «jasyleldikterdiń» qoǵamǵa oı salatyn naýqandar júrgizetinin atap ótti.
«1 apta buryn #TrashTagKz naýqanyn jarııaladyq. Bul álemdegi eń tanymal chellendjderdiń biri, onyń basty maqsaty - kópshiliktiń nazaryn qoqyspen lastanǵan aýmaqtarǵa eldiń nazaryn aýdarý. «Jasyl El» jastar eńbek jasaǵy 2005 jyly Elbasy bastamasymen qurylǵan. Uıym jyl saıyn 18 myńnan astam jasty maýsymdyq jumyspen qamtıdy», - dedi Azamat Danııar.
Eske sala ketsek, aǵymdaǵy jyldyń 9 maýsymynda elimizde kezekten tys prezıdenttik saılaý ótedi. Bul týraly respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev aıtty.
Memleket basshysy Qasym-Jomart Toqaevtyń respýblıkalyq telearnalar arqyly Qazaqstan halqyna joldaǵan úndeýiniń tolyq mátinin myna siltemeden oqýǵa bolady.
Foto: zhastar-07.kz