Jańa páterler sany bir jyl ishinde Astanada 77, Almatyda 52%-ǵa ósti

<p>2023 jylǵy qańtar-qarasha aralyǵynda elordanyń kóppáterli úılerinde 41,8 myń páter paıdalanýǵa berildi. Ótken jyldyń osy kezeńimen salystyrǵanda bul kórsetkish 18,1 myńǵa kóp. Almatyda 19,9 myń páter paıdalanýǵa berilgen, bul bir jyl burynǵy kórsetkishten 6,8 myńǵa artyq. QR SJjRA USB dereginshe, eki qaladaǵy paıdalanýǵa berilgen úıler sany jalpy kórsetkishtiń 60%-yn qurap tur.<a href="https://kaz.inform.kz/" target="_blank" rel="noopener"> Kazinform</a> bul týraly Birinshi kredıttik bıýroǵa silteme jasap habarlaıdy.&nbsp;</p>

Megapolısterdegi qarqynnyń ózge óńirlerden ozyp kele jatqany zańdy qubylys. Biraq aýqymy jaǵynan Almaty (3,4 myń páter, bir jyl burynǵy kórsetkish - 1,7 myń), Shymkent (4,8 myń páter, bir jyl burynǵy kórsetkish - 3,5 myń) jáne Jetisý (1,5 myń páter, bir jyl burynǵy kórsetkish - 0,5 myń) oblystarynda aıtarlyqtaı ósim baıqalady. 

8 óńirdiń kórsetkishi tómendep ketti, ásirese Atyraý oblysy: 2023 jylǵy 11 aı ishinde 2 myńdaı ǵana páter paıdalanýǵa berilgen. 2022 jyldyń dál osy kezeńinde 2,9 myń bolǵan edi. 

Qazaqstan boıynsha paıdalanýǵa berilgen páterlerdiń jalpy kórsetkishi byltyrmen salystyrǵanda báribir 35%-ǵa jáne 26,7 myńǵa kóp bolǵan. 102 myń páterden asty, bul - 2019 jyldan beri osy kezeńdegi eń joǵary kórsetkish.