Jańa órmekshi-adam týraly fılminiń qazaq tilindegi kórsetilimi ótti
Qazaq tilin dáripteý boıynsha atqarylyp jatqan keshendi sharalardy oryndaý sheńberinde jáne memlekettik tildi úırenýde zamanaýı mýltımedııalyq jaǵdaı jasaý úshin «Bolashaq» qaýymdastyǵy osymen tórtinshi jyl qatarynan reıtıngisi joǵary, tanymal fılmderdi aýdarý boıynsha jobalardy júzege asyrýda, dep habarlaıdy atalmysh qaýymdastyqtyń baspasóz qyzmetinen.
EsAǵymdaǵy jyly gollıvýdtyq fılmderge dýblıaj jasaý «Nur Otan» partııasy tarapynan qazaqstandyq otansúıgishtikti qalyptastyrýǵa baǵyttalǵan «Jastar - Otanǵa!» jobasy aıasynda qoldaýǵa ıe bolǵan edi. Jańa qazaqstandyq patrıotızmdi qalyptastyrý jáne memlekettik tildi meńgerý boıynsha «Nur Otan» partııasy sondaı-aq «Aıtys», «Búrkitshiler festıvali», «Kókpar», «Qazaqsha kúres» jobalaryn júzege asyrýda.
2014 jyly qazaq tili «Jańa órmekshi-adam: Kernegen qýat» fılminiń keıipkerleri sóılegen aǵylshyn, frantsýz, ıspan, nemis, portýgalııa jáne orys tilderinen keıingi álem boıynsha jetinshi tili boldy. Alǵashqy «Jańa órmekshi adam» fılminiń álemdik kassalyq jınalymy óz bıýdjetinen úsh esege asyp túsken edi. Qazirgi «Jańa órmekshi-adam: Kernegen qýat» fılminiń bıýdjeti 200 mln.dollar, al eń joǵarǵy halyqaralyq standarttarǵa sáıkes jasalǵan dýblıaj quny - 80 myń dollar.
Osymen tórtinshi jyl qatarynan «Altyn qyran» qaıyrymdylyq qory fılmderdi qazaq tiline aýdarý boıynsha qarjylyq qoldaý kórsetýde. Bul úkimettik emes uıymdar men bıznestiń otbasymen birge tamashalaýǵa arnalǵan qazaq tilindegi kontentti jasaýdaǵy yqpaldastyǵynyń úzdik úlgisi bolyp tabylady.
Aıta keteıik, aldyn-ala kórsetilimge «Nur Otan» partııasy Tóraǵasynyń birinshi orynbasary Baýyrjan Baıbek, «Mıras» qoǵamdyq keńesi men QR janyndaǵy Jastar saıasaty jónindegi keńes mamandary, mádenı jáne shyǵarmashylyq tulǵalary, bıznes pen saıasat ókilderi qatysty.