Jańa Orleandaǵy terakt pen Cybertruck jarylysy arasyndaǵy baılanys zerttelip jatyr

<p>ASTANA. KAZINFORM - AQSh prezıdenti Djo Baıden Jańa Orleandaǵy terakt pen Las-Vegastaǵy jarylystyń baılanysy tekserilip jatqanyn aıtty, dep habarlaıdy <a href="https://tass.ru/mezhdunarodnaya-panorama/22812863" target="_blank" rel="noopener">TASS.</a>&nbsp;</p>

Djo Baıden Kemp-Devıdtegi (Merılend shtaty) rezıdentsııasynda lańkestik áreketke baılanysty teledıdar arqyly úndeýinde Las-Vegastaǵy Tramp qonaqúıinde Cybertruck júk kóliginiń jarylýynyń sebebin zerttep jatqanyn aıtty. 

- Quqyq qorǵaý organdary men barlaý organdary da bul máseleni, sonyń ishinde Jańa Orleandaǵy shabýylǵa qandaı da bir baılanysy bar-joǵyn tekserip jatyr, - dedi Baıden.

Sonymen birge ol qazir amerıkalyq bılik Jańa Orleandaǵy lańkestik áreket pen Las-Vegastaǵy oqıǵa arasynda eshqandaı baılanys kórmeı otyrǵanyn aıtty. 

- Bul týraly áli habarlaıtyn eshteńe joq, - dedi Vashıngton ákimshiliginiń basshysy.

Sársenbi kúni Las-Vegastaǵy 64 qabatty Trump International qonaqúıiniń janynda Cybertruck elektrli pıkap jarylǵan. Oqıǵa saldarynan kem degende bir adam qaza tapty, taǵy jeteýi jaraqat aldy. Marqumnyń jeke basy áli anyqtalǵan joq. 

AQSh-tyń Jańa Orlean qalasynyń ortalyǵyndaǵy Býrbon kóshesinde qaıǵyly jaǵdaı boldy. Jan túrshigerlik oqıǵadan 15 adam qaza taýyp, 35 adam jaraqat aldy. Sońǵy derek boıynsha, atalmysh oqıǵadan 15 adam qaza taýyp, 35 adam jaralanǵan. Adamdardy qaǵyp ketken júrgizýshi atys kezinde kóz jumdy.