Jańa oqý jylynda mektepterdiń ashylýynan úmittimiz – Ashat Aımaǵambetov

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov jańa oqý jylynda mektepterdi ashý jóninde pikir bildirdi, dep habarlaıdy QazAqparat tilshisi.

«Eń aldymen jańa oqý jylynda mektepter ashylyp, balalarǵa dástúrli formatta oqý múmkindigi beriledi dep úmittenemiz. Biraq árıne, bul úshin eń mańyzdy negizgi sharttardy oryndaý qajet: qarapaıym sanıtarlyq-epıdemıologııalyq talaptardy saqtaý, vaktsınalaý jáne mektepterdiń dástúrli formatta jumys isteýi úshin belgili bir aımaqtyń «qyzyl» aımaqta emes, «jasyl» aımaqta bolǵany jón», - dedi mınıstr Ortalyq kommýnıkatsııalar qyzmetinde ótken baspasóz máslıhatynda.

Bilim mınıstri kelesi oqý jylynda balalardyń dástúrli formatta bilim alýy úshin mektepterdiń ashylatynyna úmit artatynyn aıtty.

«Ózderińizge belgili, qazirgi vaktsınalaýdyń jalpy qarqyny, aýrýdyń tómendep jatqany kelesi jyldyń basyn óte optımısti josparlaýǵa múmkindik beredi. Kelesi oqý jylynda mektepterimizdi ashyp, balalardy dástúrli formatta oqytý qolymyzdan keledi dep oılaımyn», - dep deıdi mınıstr.