Jańa oblystardyń ákimderinde qansha orynbasar bolady

NUR-SULTAN. QazAqparat – Jańadan qurylǵan oblystarǵa qosymsha qarajat bólinýi múmkin. Bul týraly QR Ulttyq ekonomıka mınıstri Álibek Qýantyrov málim etti, dep habarlaıdy QazAqparat tilshisi.

«Qosymsha qarajat bólý qajet bolatyny túsinikti. Jańadan qurylǵan ákimdikterge nysandardy satyp alýǵa, qosymsha shtat sanyna qosymsha qarajat kerek bolady. Osy oraıda jergilikti bıýdjetten jáne respýblıkalyq bıýdjetten bólinedi», - dedi Álibek Qýantyrov Ortalyq kommýnıkatsııalar qyzmetinde.

Ol úshin tıisti tetikter qarastyrylǵan, resýrstar da bar.

Osyǵan deıin aıtylǵandaı, 12 mlrd teńge jańadan qurylǵan oblystardaǵy ákimdikter men basqarmalardyń jumysyn uıymdastyrýǵa qarastyrylǵan.

Sonymen qatar ol oblys ákimderiniń orynbasarlaryna qatysty suraqqa jaýap berdi.

«Atalǵan óńirlerge toqtalasaq, ár oblys boıynsha úsh orynbasardan qarastyrylǵan», - dedi mınıstr.

Budan buryn habarlanǵandaı, Álibek Qýantyrov jańadan qurylǵan oblystarda ınfraqurylym men joldardyń sapasyna qatysty problema bar ekenin aıtty.

Ótken aptada Berik Ábdiǵalıuly Ulytaý oblysynyń ákimi laýazymyna taǵaıyndaldy.

Sonymen qatar, Marat Sultanǵazıev Almaty oblysynyń ákimi boldy, Nurlan Uranhaev Abaı oblysynyń ákimi laýazymyna taǵaıyndaldy.

Al Jetisý oblysynyń ákimi qyzmetine Beıbit Isabaev keldi.