Jańa mınıstr otandyq óndiristiń lokalızatsııasyn tereńdetý úshin jobalardy 6%-ben kredıtteýdi usyndy
«2025 jylǵa deıin óńirler jalpy somasy 12,2 trln teńgeni quraıtyn óńdeý ónerkásibin damytý jobalaryn iske asyrady. Osy 429 joba aıasynda 93 myń jańa turaqty jumys ornyn qurý kózdelgen. Jobalar óńirlik mamandandyrýǵa sáıkes iske asyrylatyn bolady», -dedi mınıstr.
Onyń aıtýynsha, 2022-2025 jyldary atalǵan jobalardan shamamen 4,1 trln teńgeniń ónimi alynyp, solardyń eksportynan 2,4 mlrd AQSh dollar tabys kirýge tıis.
«2025 jylǵa deıin jalpy somasy 2,7 trln teńgeden asatyn ımport almastyrýǵa baǵyttalǵan 119-dan astam jobany iske qosý josparlanýda. Bul 2025 jylǵa qaraı óńdeý ónerkásibi óniminiń ımportyn 15% qysqartýǵa múmkindik beredi», - dedi vedomstvo basshysy.
Sondaı-aq, ol elde shyǵarylatyn ónimniń lokalızatsııasyn tereńdetý baǵytyndaǵy sharalarǵa toqtaldy. Mınıstr bul turǵyda negizgi jobalardy 6%-ben kredıtteýdi usyndy. Quny 1,3 trln teńge bolatyn 60 jobany osy tetik arqyly iske asyrsa, 19 myń turaqty jumys orny ashylatyny da aıtyldy.
«Jalpy, atalǵan jobalardy iske asyrý 1,6 trln teńgeden astam somaǵa ónim shyǵarýǵa, 771 mln dollardyń shıkizattyq emes ónimin eksporttaýǵa múmkindik beredi», - dedi Qaıyrbek Óskenbaev.