Jańa mınıstr Nurlan Baıbazarov ulttyq ekonomıkany qalaı reformalaıtynyn aıtty

<p>ASTANA. KAZINFORM &ndash; Premer-Mınıstrdiń orynbasary &ndash; Ulttyq ekonomıka mınıstri Nurlan Baıbazarov Úkimettiń keńeıtilgen otyrysynan keıin BAQ ókilderiniń suraǵyna bergen jaýabynda ulttyq ekonomıkany qalaı reformalaıtynyn aıtty.&nbsp;</p>

«Memleket basshysy «jańa ekonomıkalyq saıasat» baǵdarynyń negizinde jańa baǵyttardy belgiledi. Onyń bári elimizdiń áleýmettik-ekonomıkalyq damý baǵyttary. Soǵan baılanysty eki negizgi baǵytty aıtýǵa bolady – ekonomıkadaǵy qurylymdy ózgerister jáne ekonomıka salalaryndaǵy reformalar. Onyń bári ınvestıtsııalardy tartý, salyq jáne bıýdjet júıesine áser etedi», - dedi Nurlan Baıbazarov. 

«Sonda sizge deıingi mınıstrdiń qolynan bul kelmegen be?» - dep surady jýrnalıst. Jańa mınıstr ondaı paıymmen kelispeıtinin aıtty.

«Ol jumystar bastalǵan, endi ony durystap aıaqtap, jańa ekonomıkalyq ósimge jaǵdaı jasaý qajet», - dedi Ulttyq ekonomıka mınıstri.