«Jańa mamandyqtar atlasynyń» aıasy keńeıedi – Saıasat Nurbek

NUR-SULTAN. QazAqparat - Elimizde bolashaqqa qajetti mamandyqtar tizimi zerttelip, «Jańa mamandyqtar atlasy» jobasy jasalýda. Jaqynda nátıjesi belgili bolatyn atalǵan joba týraly BTS Digital bilim jobalarynyń jetekshisi Saıasat Nurbek aıtyp berdi, dep habarlaıdy QazAqparat tilshisi.

«Ekonomıkanyń 9 basym baǵyty boıynsha «Jańa mamandyqtar atlasy« atty zertteýimiz aıaqtalýǵa jaqyn. Qorytyndysyn 2 aptadan soń kópshilikke jarııalaıtyn bolamyz. Keshe zertteýimizdi QR Eńbek jáne halyqty áleýmettik qorǵaý mınıstrine tanystyrdyq. Sol jerde atalǵan jobanyń aıasyn keńeıtý týraly sheshim qabyldandy. ıAǵnı jańa mamandyqtar atlasynda ekonomıka men aýyr ónerkásip salasy ǵana emes, sonymen qatar áleýmettik, qaıta óńdeý ónerkásibi, qyzmet kórsetý jáne tsıfrlandyrý salalaryn da qamtý kerektigi aıtyldy»,- dedi Saıasat Nurbek.

Sondaı-aq, ol «Jańa mamandyqtar atlasy» jobasynyń negizgi maqsat-mindetimen tanystyrdy.

«Zertteý jobamyzdyń basty 3 maqsaty bar. Ol aldymen, kásiptik baǵyt-baǵdar berý. Onyń nátıjesimen QR Bilim jáne ǵylym mınıstrligimen bólisip, tolyqqandy kásiptik baǵdar berý platformasyn qurýǵa kómektesemiz. Ekinshi maqsat – Eńbek jáne halyqty áleýmettik qorǵaý mınıstrliginde birneshe jyl boıy qalyptasyp kele jaqtan, eńbek resýrstaryn boljaý ulttyq júıesin sapaly túrde tolyqtyrý. Úshinshiden, joǵarǵy bilim berý júıesi men TjKB (Tehnıkalyq jáne kásibı bilim) boıynsha jańa oqý baǵdarlamasyn jetildirýge kómek kórsetý. Sol sııaqty jaqynda jobanyń ekinshi kezeńin bastaıtyn bolamyz. Ondaǵy basty mindet – eńbek naryǵyndaǵy jańa suranysty anyqtaý», - dedi ol.

S. Nurbektiń sózine sensek, «Jańa mamandyqtar atlasy» jobasy 2021 jyly Hromtaý taý-ken tehnıkalyq kolledjinde pılottyq oqý baǵdarlamasy retinde engiziledi.

Aıta keteıik, elordada Zoom platformasy arqyly «Rýhanı jańǵyrý» baǵdarlamasy aıasynda forsaıttyq zertteýler nátıjesin talqylaýǵa arnalǵan dıalogtyq konferentsııa ótti. Atalǵan sharaǵa sarapshylar jáne túrli sala mamandary qatysty.