Jańa qosymsha arqyly jol erejesin buzýdyń 2 myń deregi anyqtaldy
Vedomstvonyń málimetinshe, júrgizýshilerdiń jolda júrý qaǵıdalaryn buzýdy anyqtaıtyn avtomatty júıe mańyzdy ról atqarady.
«Búgingi tańda elimizdiń joldarynda 17 myńǵa jýyq avtomatty kamera ornatylǵan. Olardyń kómegimen jyl saıyn jol boıynda oryn alatyn barlyq buzýshylyqtardyń 40% anyqtalady. Endi iske qosylǵan mobıldi qosymshada «Sergek» beınekameralary, Jedel basqarý ortalyqtary men mobıldi qosymshalarynyń múmkindikteri biriktirilgen», - dep túsindirdi Іshki ister mınıstriniń birinshi orynbasary Marat Qojaev.
Polıtsııa qyzmetkerleri planshettegi qosymsha arqyly júrgizýshiniń qazirgi orny týraly málimetti kóre alady. Onyń ishinde kólikti jalǵan nómirmen basqaratyn júrgizýshiler; tehnıkalyq baıqaýdan ótpegen nemese saqtandyrý polısinsiz kólik júrgizgender; olardy ustaý qajettiligi týraly aqparat túsken júrgizýshiler; 10 mınýt ishinde eki nemese odan da kóp jol erejesin buzǵandar týraly málimetter bar. Polıtsııa qyzmetkeri «qaýipti júrgizýshi» týraly aqparatty alyp, apattyń aldyn alý sharalaryn qabyldaıdy.
Shymkent qalasynda atalǵan qosymsha arqyly jedel-profılaktıkalyq is-shara ótken. Bir kúnniń ishinde megapolıste 2 myńnan astam jol erejesin buzǵan 95 avtokólik ustaldy, olardyń arasynda jalǵan memlekettik nómiri bar 36 avtokólik, saqtandyrý polısi joq 51 sheteldik avtokólik, 107 ret jol erejesin buzǵan, 3 mln teńgeden astam aıyppul salynǵan úsh avtokólik anyqtaldy. Osyndaı sharalar Nur-Sultan men Almaty qalalarynda da júzege asýda. Bir kúnde bul qalalarda 45 avtokólik arnaıy turaqqa qoıyldy, onyń 22-sinde jalǵan memlekettik tirkeý nómirleri bolǵan.
«Bul is-sharalar jol erejesin tıimdi baqylaýǵa, jazany bultartpaý qaǵıdatyn saqtaýǵa arnalǵan. Negizgi maqsat – azamattardyń qaýipsizdigin jáne olardyń múlkin saqtaý», – dep atap ótti Marat Qojaev.
Sondaı-aq, ol mundaı tájirıbeniń jýyrda elimizdiń barlyq óńirinde júzege asyrylatynyn jetkizdi.