Jańa kólikterdi qaı óńir turǵyndary kóp minedi

NUR-SULTAN. QazAqparat – Qazaqstanda eski avtokólikter sany 8% azaıdy. Bul týraly QR Indýstrııa jáne ınfraqurylymdyq damý mınıstrliginen málim etti, dep habarlaıdy QazAqparat.

Qazaqstanda 870 318 jeńil avtokólik bar. Onyń 64,5% - shyǵarylǵanyna 10 jyldan asqan. 2015 jyly olardyń úlesi 72,5% edi. Sodan beri bul kórsetkishti tómendetý úshin elimizde qaıta óńdeýge tólem engizý jáne jeńildetilgen avtonesıe túrinde memlekettik yntalandyrý sharalary qoldanyldy. Nátıjesinde eski kólikter sany 8% azaıdy.

10 jyldan asqan avtokólikter Almaty oblysynda eń kóp tirkelgen (barlyq eski avtokólikterdiń 15,5% nemese 385 720 birlik). Eń azy – Atyraý oblysynda (1,5% nemese 36 945 birlik).

Shyǵarylǵanyna 3 jyldan aspaǵan jańa avtokólikter Nur-Sultan (barlyq jańa avtokólikterdiń sanynan 13,7% nemese 63 266 birlik) jáne Almaty (16,9% nemese 78 079 birlik) qalalarynda eń kóp tirkelgen.

Jańa avtokólikter Jambyl (1,8% nemese 8 111 birlik) jáne Túrkistan oblystarynda (1,9% nemese 8 877 birlik) az.