Jańa kodeks qabyldaý arqyly sheshiledi – Toqaev bıýdjet saıasatyn reformalaý týraly

ASTANA. QazAqparat – Qazaqstan halqyna Joldaýyn jarııalaǵan Prezıdent Qasym-Jomart Toqaev bıýdjet saıasatyn jetildirý máselelerine toqtaldy, dep habarlaıdy QazAqparat tilshisi.

«Endi asa mańyzdy másele - bıýdjet saıasatyna toqtalaıyq. Ótken jyly men «bıýdjetti basqarýdan» «nátıjelerdi basqarýǵa» kóshý arqyly bıýdjettik júıeni reformalaýdy tapsyrdym. Bul mindet bıýdjettik protseske qatysýshylardyń ashyqtyǵyn, jaýapkershiligi men derbestigin arttyratyn jańa kodeksti qabyldaý sheńberinde sheshiletin bolady. Sonymen qatar, bıýdjet saıasatynyń tıimdiligin odan ári arttyrý úshin únemi jańa quraldar men múmkindikterdi izdeý qajet. Sondyqtan, Úkimetke birneshe mınıstrlikter men óńirler sheńberinde pılottyq rejımde tolyq bloktyq bıýdjet jobasyn engizýdi tapsyramyn», - dep usynys bildirdi Memleket basshysy.

Aıta keteıik, dál qazir Memleket basshysy Qasym-Jomart Toqaev Qazaqstan halqyna Joldaýyn jarııalap jatyr.