Jańa Qazaqstandy qurýǵa ár adam óz úlesin qosa alady - Marat Ázilhanov

NUR-SULTAN. QazAqparat - Qazaqstan halqy Assambleıasy Tóraǵasynyń orynbasary – Hatshylyq meńgerýshisi Marat Ázilhanov Prezıdent Qasym-Jomart Toqaevtyń «Jańa Qazaqstan: jańarý men jańǵyrý joly» atty Qazaqstan halqyna Joldaýyna qatysty pikirin bildirdi.

«Joldaýda saıası reformalar baǵdarlamasy jarııalanyp, bul Jańa Qazaqstannyń memlekettik qurylysynyń jańa kezeńiniń bastalýyn belgiledi.

Atalǵan reformalar Q.Q. Toqaevtyń prezıdenttiginiń alǵashqy kúnderinen bastap qolǵa alǵan túbegeıli ózgeristerdiń qısyndy ári aýqymdy jalǵasy boldy.

Qazaqstandyq kóshbasshynyń bastamalary memleketti demokratııalandyrý jáne bıliktiń qaınar kózi Qazaqstan halqy bolyp tabylatyny týraly negizgi konstıtýtsııalyq postýlatty nyǵaıtý úshin baza bolatyny sózsiz», - deıdi Marat Ázilhanov.

Spıker Memleket basshysy negizgi saıası qaıta qurýlardan basqa geosaıasat pen geoekonomıkadaǵy týrbýlenttik jaǵdaıyndaǵy daǵdarysqa qarsy sharalarǵa nazar aýdarǵanyn atap ótti. El prezıdenti Qazaqstannyń aýqymdy daǵdarysty eńserý úshin qajetti qaýipsizdik qory bar ekenine sendirdi.

«Sonymen birge, Prezıdent eń ózekti suraqtarǵa jaýap berdi. Qasym-Jomart Kemeluly halyqtyń únine qulaq asatynyn kórsetti, óıtkeni onyń bastamasymen qolǵa alynǵan barlyq reformalar eldiń kópten kútken reformalary bolyp tabylady.

Memleket basshysy bizdiń basty únemdeý resýrsymyz – halyq birligi ekenin taǵy da atap ótti. Halyqtyń birligi Qańtardaǵy oqıǵalar kezindegi eń qaıǵyly stsenarıılerdi júzege asyrýǵa múmkindik bermedi. Ult birligi - aýqymdy ózgeristerdi júzege asyrýdyń basty sharty.

«Biz kez kelgen syn - qaterdi birlese eńserip, Qazaqstandy odan da jaqsyraq ete túsemiz», - dep atap ótti Memleket basshysy.

Bizdiń Prezıdentimiz árbir azamatty jańa Qazaqstannyń qurylysshysy bolýǵa shaqyrdy.

Biz bárimiz jaqsy jaqqa qaraı aýqymdy ózgeristerdiń aldynda turmyz. Qazir barshaǵa túsinikti ári ortaq osy maqsatqa jetip, osy joldy birge eńserý úshin halyqtyń birligi burynǵydan da asa qajet.

Qazaqstan halqy Assambleıasy jańa Joldaýdyń mindetterin tolyq qoldaıdy jáne olardy iske asyrýǵa belsendi qatysady», dedi ol.