Jańa Qazaqstanda jasandylyqqa jol berilmeıdi - Erlan Qoshanov
Búgin palatanyń jalpy otyrysynan keıin tilshiler E.Qoshanovtan Jańa Qazaqstanda qandaı ózgerister bolatynyn surady.
«Jańa Qazaqstanda ashyqtyqty kórip otyrsyzdar, jasandylyqtan ketip jatyrmyz. Jańa Qazaqstan bir kúnde ǵana quryla salmaıdy ǵoı», - dep toqtaldy Májilis tóraǵasy.
«Ózderińiz de ózgerýlerińiz kerek. Sondyqtan ár adam ózine osy suraqty qoıǵany durys. Jalpy qoǵamnyń ózgergeni mańyzdy», - dedi Erlan Qoshanov.
Budan buryn habarlanǵandaı, Májilis tóraǵasy ótken referendým Jańa Qazaqstanǵa jol ashqanyn aıtqan edi.
«Birligi bekem el ekenin kúlli álemge pash etip, bolashaqqa nyq senimmen qadam basty. Birlik pen senim – «Jańa Qazaqstannyń» negizgi tiregi. Halqymyzda erteńge degen senim bar, aýyzbirlik bar, tatýlyq pen turaqtylyq bar. Endigi kezekte, Prezıdentimizdiń mańaıyna toptasyp, osy senim men yntymaqty eseleı túsýge tıispiz. Alǵa qoıǵan bıik maqsattardyń bárine birge qol jetkizýimiz kerek. Referendým – «Jańa Qazaqstanǵa» jol ashty. Ony halqymyz jaqsy qabyldaǵanyn kórdik. Halyqaralyq jáne otandyq sarapshylar da naýqannyń ádil ári ashyq ótkenin aıtyp, jaqsy pikir bildirip jatyr. Bul – úlken istiń basy ǵana. Alymyzda budan da mańyzdy ári aýqymdy jumys kútip tur», - dedi ol.