Jańa Qazaqstan - olıgarhııasyz, jemqorlyqtan ada memleket – Marat Báshimov
«Jańa Qazaqstan bul naqty áleýmettik baǵdarlanǵan memleket. Bul olıgarhııasyz, kóleńkeli ekonomıkasyz jáne sybaılas jemqorlyq joq memleket. Eger kóleńkeli ekonomıka men sybaılas jemqorlyq bolmasa, onda biz ádil jáne adal memleket bola alamyz. Bıýdjet te jónimen jumsalady, al bul degenimiz áleýmettik damýdyń belgisi. Men úshin jańa Qazaqstan - ádiletti sot jáne kez kelgen azamattyń múddesin qorǵaıtyn quqyq júıesi. Búgingi quqyqtyq júıedegi qorqynyshtan arylý kerek. ıAǵnı bılik pen halyqtyń ózara jaýapkershiligi bolýy kerek», - dedi Marat Báshimov.
Sarapshynyń pikirinshe, jańa Qazaqstan - ár azamattyń problemasyna mán beretin memleket. Sol sııaqty azamattar da zań talaby men quqyqty saqtaýy tıis.
«Sonda ǵana ádiletti qoǵam men tıimdi memleket bolady. Naqtysy osy. Damımyn degen memleket úshin ádiletti qoǵam, teńdik jáne adam quqyǵynyń saqtalýy mańyzdy. Al memleket el ıgiligi úshin tıimdi jumys isteýi tıis», - deıdi ol.
Sondaı-aq, spıker elimizde sapaly bilim men áleýmettik medıtsınanyń bolýy kerektigin tilge tıek etti.
Eske sala ketsek, bıyl 11 qańtarda Parlament Májilisiniń jalpy otyrysynda Memleket basshysy Qasym-Jomart Toqaev «Qazaqstanda damýdyń jańa kezeńi bastalady», degen edi.
Sonymen qatar Prezıdent jańa Qazaqstan qurýdyń maqsatyn aıtty.
«Jańa Qazaqstannyń maqsaty – azamattardyń ál-aýqatyn arttyrý, tabys alshaqtyǵyn joıý, jumys oryndaryn ashý jáne ınflıatsııany tejeý. Bizdiń barlyq kúsh-jigerimiz mıllıondaǵan qazaqstandyqtyń qaýipsizdigi men turmys jaǵdaıynyń sapasyn jaqsartýdy qamtamasyz etýge baǵyttalǵan. Qazaqstan ekonomıkasy ornyqtylyǵyn kórsetti. Úkimet otandyq, sheteldik ınvestorlar men saýda jónindegi seriktesterimizdiń senimin arttyrý úshin barlyq qajetti sharany qabyldaıdy», - dep jazǵan edi Q.Toqaev Twitter paraqshasynda.