Jańa Qazaqstan: Іshki ister organdarynyń qyzmeti qalaı ózgeredi

NUR-SULTAN. QazAqparat – Qazaqstanda polıtsııanyń servıstik qyzmetiniń jańa modeli daıyndalyp jatyr. Bul týraly QR ІІM ákimshilik polıtsııa komıteti tóraǵasynyń orynbasary Alekseı Mılıýk málim etti, dep habarlaıdy QazAqparat tilshisi.

«Qazirgi tańda biz polıtsııa qyzmetiniń servıstik modelin jetildirýmen aınalysyp jatyrmyz. ıAǵnı, bul degen - kez kelgen quqyqbuzýshylyqqa jedel áreket etý, jaýapsyz qaldyrmaý. Bul jumystyń mańyzdylyǵyna Memleket basshysy ótken jylǵy joldaýynda toqtalyp ótti. Osy sharýany júzege asyrýda EQYU men EýroOdaqtyń elordadaǵy ókildikterine alǵys bildirgimiz keledi. Atalǵan uıymdar polıtsııanyń servıstik qyzmeti jobasyn júzege asyrýda qoldaý kórsetti», - dedi Alekseı Mılıýk ZOOM platformasynda ótken sharada.

Komıtet ókiliniń aıtýynsha, polıtsııanyń servıstik qyzmetin damytý jobasy aldymen pılottyq joba retinde qolǵa alyndy.

«Tártip saqshylarynyń jumysyn jetildire túsýge baǵyttalǵan birinshi joba Qaraǵandy da qolǵa alyndy. Ol jumysqa jergilikti atqarýshy organ ókilderi men qatar qoǵam belsendileri tartyldy. Sol sııaqty búginde qaraǵandylyq áriptesterimizdiń tájirıbesine ózge óńirler de qyzyǵýshylyq tanytyp jatyr. Ekinshi joba elordada júzege asyp jatyr. Búginde qalalyq polıtsııa departamentinde ishki ister organdarynyń qyzmetin tıimdi etýdiń pılottyq jobasy iske asyrylýda. Odan bólek, ishki ister organdarynyń qyzmetin tsıfrlandyrý qarqyndy júrip jatyr. Osy jáne ózge de atqarylyp jatqan sharalar boıynsha bıyl jyl sońyna deıin polıtsııanyń servıstik qyzmetiniń jańa modeli ázirlenip, Úkimettiń qaraýyna usynylady», - deıdi ol.

Buǵan deıin mınıstrlik ókili Qazaqstanda ishki ister organdarynda 1,5 myń laýazymdy tulǵa qysqarǵanyn aıtty.