Jańa qaýly: ShQO-da mekeme ishinde maska taǵý mindetti emes

ÓSKEMEN. QazAqparat – Shyǵys Qazaqstan oblysynda mekeme ishinde maska taǵý mindeti alynyp tastaldy, dep habarlaıdy QazAqparat tilshisi.

ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńir boıynsha mekeme ishinde maska taǵý mindeti alynyp tastaldy.

«Oblystaǵy obektiler óz qyzmetin «jasyl» aımaq úshin kózdelgen ólshemsharttar negizinde júzege asyrady. Endi maska taǵý talaby alynyp tastaldy. Tek medıtsına mekemelerindegi qyzmetkerler, patsıentter men kelýshiler úshin mindetti. Al kópshilik jınalatyn oryndarda, qoǵamdyq kólikter men ushaqtarda maska taǵý usynym sıpatynda qaldyryldy», - delingen qujatta.

Búginde oblysta COVІD-19 juqtyrǵan naýqastardy emdeýge arnalǵan ınfektsııalyq statsıonarlardaǵy tósek qorynyń toltyrylý deńgeıi – 3,7%. Oblys boıynsha ınfektsııanyń reprodýktıvtik R sany – 0,956.