Jańa qaýly: ShQO-da adam kóp jınalatyn sharalarǵa tek «jasyl» statýspen kirgizedi
ShQO Bas memlekettik sanıtarlyq dárigeriniń jańa qaýlysy jarııalandy. Onda jazylǵandaı, óńirdegi obektiler óz qyzmetin «jasyl» aımaq úshin kózdelgen ólshemsharttar negizinde júzege asyratyn bolady.
«13 jeltoqsannan bastap «Ashyq» jobasyna qatysatyn nysandar úshin birqatar ózgeris engizildi. Atap aıtqanda, teatr, kınoteatr, kontserttik zaldar, fılarmonııa, tsırk jáne kompıýter klýbtarynda, kópshilik jınalatyn sharalarda personaldar men kelýshiler «jasyl» statýs bolǵan kezde ǵana ishke kire alady. Mádenı nysandarda «jasyl» statýsy bar adamdarǵa daıyndyq (repetıtsııa) ótkizýge shekteýsiz ruqsat berilgen», - delingen qujatta.
Osy rette, ShQO Sanıtarlyq-epıdemıologııalyq baqylaý departamenti halyqty karantın talaptary men respýblıkalyq, oblystyq Bas memlekettik sanıtarlyq dárigerlerdiń qaýlylaryndaǵy barlyq shekteýlerdi saqtaýǵa shaqyrady.