Jańa qaýly: Shetelde vaktsına alǵandardyń málimeti modýlge shildede engiziledi

NUR-SULTAN. QazAqparat – Qazaqstannyń bas sanıtar dárigeri Erlan Qııasov shetelde vaktsına alǵan adamdardy tirkeý tártibi týraly Qaýly shyǵardy, dep habarlaıdy QazAqparat.

Qaýly boıynsha, koronavırýs ınfektsııasyna qarsy vaktsınatsııa júrgizýge tartylǵan medıtsınalyq uıymdar shet elde ekpe alǵan Qazaqstan Respýblıkasy azamattarynyń málimetterin rastaıtyn qujattar usynylǵan jaǵdaıda 2021 jyldyń 1 shildesinen bastap «Vaktsınatsııa» modýline engizedi.

Sondaı-aq, «QazVac» vaktsınasyn alǵan Qazaqstan Respýblıkasy azamattarynyń málimetterin Bilim jáne ǵylym mınıstrligi modýlge engizetini aıtylǵan.

«QR BǴM rastaıtyn aqparat usynǵan jaǵdaıda «QazCovid-in» («QazVac») vaktsınasymen KVI-ǵa qarsy ekpe alǵan Qazaqstan Respýblıkasy Bilim jáne ǵylym mınıstrligi Ǵylym komıtetiniń Bıologııalyq qaýipsizdik problemalary ǵylymı-zertteý ınstıtýty qyzmetkerleriniń KVI-ǵa qarsy vaktsınatsııalanýy týraly málimetterdi Modýlge engizedi». Oblystardyń, Nur-Sultan, Almaty jáne Shymkent qalalarynyń densaýlyq saqtaý basqarmalarynyń jaýapty adamdary Modýlge KVI-ǵa qarsy vaktsınalardyń qozǵalysy boıynsha derekterdi kún saıyn engizedi», - dep jazylǵan qujatta.