Jańa qaýly: Pavlodar oblysynda HQKO-lardyń jumys kestesi ózgerdi
16:38, 02 Qyrkúıek 2021
NUR-SULTAN. QazAqparat – Pavlodar oblysynda Halyqqa qyzmet kórsetý ortalyqtarynyń jumys kestesine ózgertýler engizildi, dep habarlaıdy QazAqparat tilshisi.
Óńirdiń bas memlekettik sanıtar dárigeri Batyrbek Álıevtiń jańa qaýlysyna sáıkes, Halyqqa qyzmet kórsetý ortalyqtarynyń jumysyna demalys jáne mereke kúnderi tyıym salynǵan.
«Azamattarǵa arnalǵan úkimet» MK» ÚEAQ Pavlodar oblystyq fılıalynyń Halyqqa qyzmet kórsetý ortalyqtarynyń jumys rejımi jumys kúnderi (dúısenbi-juma) saǵat 09:00-den bastap 18:00-ge deıin, senbi, jeksenbi jáne mereke kúnderi tyıym salynsyn. Mamandandyrylǵan Halyqqa qyzmet kórsetý ortalyqtarynyń jumys kestesi jumys kúnderi (dúısenbi-juma) saǵat 09:00-den bastap 18:00-ge deıin, senbi, jeksenbi jáne mereke kúnderi tyıym salynsyn», - delingen qaýlyda.