Jańa qaýly: Pavlodar oblysynda birqatar shekteýler alyndy
Pavlodar oblysynyń bas memlekettik sanıtarlyq dárigeriniń jańa qaýlysyna sáıkes, aýrý belgileri bolmaǵan jaǵdaıda baılanysta bolǵan adamdardy úı karantınine oqshaýlanbaıdy.
Rfizer vaktsınasyn saldyratyndar tizimi keńeıtildi. Oǵan birinshi, ekinshi jáne úshinshi toptaǵy múgedektigi bar adamdar jáne bastapqy kýrsty aıaqtaý úshin vaktsınanyń birinshi dozasyn shetelde alǵan adamdar engizildi. Sondaı-aq ekpeniń bul túrin 50 jastan asqan adamdar da ala alady.
- Qazaqstan Respýblıkasynyń shekarasyn kesip ótken sátte eger ekinshi komponentti alǵannan keıin 6 aıdan aspasa, Qazaqstan Respýblıkasynda revaktsınatsııany nemese COVID-19-ǵa qarsy vaktsınatsııalaýdyń tolyq kýrsyn alǵan adamdarǵa qujattyq rastaýdy usyný kezinde PTR-test júrgizý talap etilmeıdi. «Jasyl» nemese «kók» mártebeleri bolǵan jaǵdaıda ilesip júretin adamdar úshin bilim berý uıymdaryna kirýge shekteýler alynyp tastaldy, - dep jazylǵan qaýlyda.
Qazaqstan Respýblıkasynyń aýmaǵynda jaramdy dep tanylǵan COVID-19-ǵa qarsy vaktsınatsııa týraly pasport/sertıfıkat/anyqtama usynǵan adamdarǵa PTR test talap etilmeıdi.
Eske sala keteıik, epıdemıologııalyq jaǵdaıdy baǵalaý matrıtsasyna sáıkes 21 aqpanda bastap Pavlodar oblysy «sary» aımaqqa aýysty.
Qaýlynyń tolyq mátinin osy jerden oqýǵa bolady.